→ كل الوصفات

بريوش وسينابون بعجينة واحدة على طريقة ام ايمن ريم 🥐

(Brioche and Cinnabon in one dough🥐🥐) #وصفات حرة الحراير 🇩🇿 🇩🇿 🇩🇿 🇩🇿 #وصفات تقليدية جزائرية 🇩🇿 🇩🇿 🇩🇿 #وصفات ام ايمن ريم 🇩🇿🇩🇿🇩🇿🇩🇿

  • 1/2 لتر من الحليب دافئ =500 غ
  • 02 ملاعق كبيرة خميرة الخبز
  • كأس الا ربع سكر عادي نحي منو 02 ملاعق كبار سكر نحطو في الاخير
  • ملعقة كبيرة فانيلا
  • 02 حبات بيض 🥚 🥚 بدرجة حرارة المطبخ
  • 02 ملاعق كبار حليب مجفف (لحظة)
  • كأس الا ربع زيت
  • قرصة (رشة) ملح
  • خميرة كيميائية وزن 10 غ (بايكينغ باودر)
  • 06 كيسان فرينة مغربل
  • للدهن
  • صفار بيض
  • ملعقة صغيرة فانيلا السائلة
  • قليل من القهوة ☕
  • كاوكاو (فول سوداني) ايفيلي (رقائق كاوكاو)
  • جلجلان (سمسم)
  • شوكولاته 🍫 للطلي
  • ملعقة كبيرة من المارغرين طرية
  • ملعقة صغيرة قرفة مرحية
  • 02 ملاعق كبار سكر عادي
  1. اولا نضع في وعاء نصف لتر من الحليب دافئ أو مزيج من الحليب والماء دافئ معنا 250 ملل من الحليب و250 ملل من الماء
  2. ثم نضع 02 ملاعق كبار خميرة الخبز ونخلط بالفوي
  3. ثم نزيد كأس الا ربع سكر عادي نحي منو 02 ملاعق كبار نخليه للاخير ونخلط بالفوي
  4. ونزيد 02 كيسان فرينة مغربلة ونخلط بالفوي
  5. نغلق على الوعاء ونخليه يختمر لمدة 15 دقیقة
  6. من بعد ما اختمرت 15 دقیقة
  7. نهبط الخمارة بالفوي
  8. ونزيد 02 حبات بيض 🥚 🥚 بدرجة حرارة المطبخ ونزيد 02 ملاعق حليب بودرة (لحظة (حليب بودرة)) وملعقة كبيرة فانيلا و كيس خميرة كيميائية (بايكينغ باودر) ورشة ملح ونزيد 02 ملاعق سكر عادي لي نحيتو من كأس الا ربع سكر ونزيدلو كأس الا ربع زيت
  9. ونخلط بالفوي
  10. ونضيف في الاخير كأس 03 و04 ونخلط بالفوي ثم نزيد كأس 05 ونخلط باليد ونزيد الكأس 06 ونخلط باليد على حساب نوعية الفرينة تقدر تأخذ أقل من 06 كؤوس او 06 كؤوس وشوية
  11. تجي العجينة تتلاصق في اليد عاوني روحك بشوية تاع زيت ونغطيها ونخليها تختمر
  12. من بعد ما خمرتلي
  13. نرش طاولة العمل بالفرينة
  14. ونحط العجينة فوق طاولة العمل
  15. و نقسمها إلى قسمين
  16. وزن كل كرية 100 غ
  17. نكور العجينة
  18. ونشكل هذا شكل مثل في صورة أو تشكليه على شكل كروي كيما اي مثل تحبي
  19. نضع ورق الطهي في سنيوة
  20. ونحط البريوش في صينية وندهن بصفار بيض 🥚 مع قليل من القهوة ☕ وملعقة صغيرة فانيلا
  21. ونرش عليه كاوكاو (فول سوداني) ايفيلي (رقائق كاوكاو)
  22. او نرش عليه جلجلان (سمسم)
  23. نخليه يختمر يتضاعف حجمو وندخلو للفرن كنت شعلتو من قبل نطيبو من تحت ونحمرو من فوق
  24. نخرجو من الفرن ونخليه يبرد
  25. ويجي بزاف خفيف
  26. ونضعه في صحن التقديم
  27. نفتح البريوش وندهنو بشوكولا للطلي
  28. بصحة والعافية 😋 😋 😋 😋
  29. نصف درتلو شوكولاته 🍫 والآخر خليتو عادي
  30. ونزيد ندهن من فوق بلاجولي ثم نضع قليل من سكر ناعم في صفاية ونرش على البريوش على الوجه
  31. وشكل 02 هي سينابون نص العجينة لي خليتها نفتح العجينة بالحلال على شكل مربع
  32. ندهن بالمعلقة كبيرة من المارغرين طرية
  33. 02 ملاعق كبار سكر عادي ونزيدلو ملعقة صغيرة قرفة مرحية ونخلط بالملعقة
  34. ونرش على الوجه العجين
  35. ونرولي العجينة بهذا الشكل ونغلقو مليح ونسويه
  36. ثم نقسم بسكين يخرجو 08 قطع نضع ورق الطهي وندهنو بالزبدة ونضغط باليد على الوجه العجين ونحطو في المول وندهنو بالبيض
  37. ونخليه يختمر
  38. وندخلو للفرن كنت شعلتو من قبل يطيب من تحت ويحمر من فوق نحيه من المول
  39. ونحطو في صحن التقديم
  40. ويجي خفيف مثل ما هو واضح في الفيديو
  41. ندهنو بلاجولي
  42. ونرش عليه قليل من سكر ناعم
  43. وهذا هو يكون شكلو النهائي بعجينة واحدة عملنا بريوش وسينابون بصحة و العافية 😋 😋 😋 😋
عجبتك الوصفة؟
شوف كل وصفاتنا في مكان واحد
كل الوصفات →