→ كل الوصفات

بسبوسة الحلوانى 😋

بسبوستي الحلوة رااائعه بفضل الله ♥️ وكل اللي جربها وداقها شكر فيها جدا 💖 والله احلى من الجاهزة و أروع بكتير اللهم بارك 💞 جربوها 👌 اتمنى تعجبكم 🌹

  • 2 علبة زبادي العلبة 110 جرام (نفس عيار الكوب المستخدم في السميد
  • 1/2 كوب سكر
  • 1/2 كوب سمنة ويفضل بلدي
  • 1/2 م ص بيكنج بودر
  • 2 م ك عسل جلوكوز او نحل او شربات تقيل حسب المتوفر
  • 2 م ك جوز هند (حسب الرغبة)
  • الشربات 🍯 2 كوب سكر
  • 2 كوب ماء.. رشة فانليا
  • عصرة نص لمونة.. م ك سمنة
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ♥️
  2. نقلب البيكنج بودر مع السميد و نبس السميد بالسمنة كويس جدا
  3. نضيف السكر وجوز الهند والزبادي وعسل الجلوكوز ونقلب بدون عجن
  4. ندهن الصينية بالسمنة وننزل فيها البسبوسة وندهن الوش بأيدينا بسمنة عشان تاخد لون حلو 😋 ونخبط الصينية عالارض او الرخامة عشان نطلع اي هوا فيها عشان يبقى وشها متساوي 😉
  5. تدخل فرن على ١٨٠ او ٢٠٠ لمدة تلت او نص ساعة ⌚ حسب ما تاخد لون من تحت ونشغل الشواية عشان تاخد لون من الوش 💓
  6. مجرد ما تطلع من الفرن نسقيها بالشربات السخن ونغطي وشها شوية عشان تفضل طرية 😋 😋
  7. الشربات 🍯عبارة عن ٢ كوب سكر وعليهم ٢ كوب ماء وعصرة نص لمونة
  8. نحطهم عالنار واول ما يبدأ يغلي نحسب ٧ دقايق ونطفي ونضيف رشة فانليا و م ك سمنة ونقلب و نسقي بية البسبوسة مجرد ما تخرج من الفرن 👌 ❤️
  9. ملحوظه 🤓 ١- نص م ص بيكنج بودر بس ومنزودتش عشان متنفش معايا..٢- السميد لازم يكون خشن عشان يديني احسن نتيجة ٣- منعجنش كتير عشان متنشفش مني ٤-منزودتش مدتها في الفرن عن نص ساعة ابدا لأنها هتنشف 👌٥- نعاير كل المقادير بنفس الكوب.. ٦-السمنة يكون قوامها مرمل مش سايحة خالص او ساقعة من التلاجة عشان تغلف حبات السميد كويس وتبقى مرملة 👍😉
  10. أخيرا اللهم أغفر لجدتي وأجعلها من أهل الفردوس الأعلى من الجنة يارب ❤️
عجبتك الوصفة؟
شوف كل وصفاتنا في مكان واحد
كل الوصفات →