→ كل الوصفات

بسبوسة الحلواني المرملة بالمكسرات 😍😋❤️

وصفه البسبوسة دي من أحلى وألذ وصفات البسبوسة اللي عملتها مقاديرها مظبوطة وناجحة جداً 👌🏻وطعمها فعلاً زي محلات الحلواني✌️ جربيها بنفسك وشوفي الحلاوة واللذاذة 🤩😉💖

  • 2 كوب دقيق سميد
  • 1/2 كوب سكر
  • 1/2 كوب حليب
  • 1/2 كوب سمنه مذابة
  • 2 ملعقة كبيرة جوز هند
  • 2 ملعقة كبيرة عسل
  • 1/2 ملعقة صغيرة بيكنج بودر
  • كمية مكسرات مفرومة
  • 1 ونصف كوب سكر
  • 1 ونصف كوب ماء
  • 1 ملعقة صغيره فانيليا سائلة
  • 1/2 ملعقة صغيره عصير ليمون
  1. أولاً جيبي طبق غويط وحوطي فية دقيق السميد، والسكر، وجوز الهند، والبيكنج بودر وقلبيهم مع بعض كويس جداً 😍
  2. ضيفي بعد كدة السمنه المذابة وقلبيهم مع بعض كويس لحد لما السمنه تغلف كل حبيبات دقيق السميد 😍
  3. ضيفي بعد كدة العسل والحليب وقلبيهم مع بعض بس متعجنيش كتير يادوبك الحليب يدخل في دقيق السميد لأن التقليب الكتير هيخليها تنشف في الفرن 😍
  4. جيبى صينية وإدهني الصينية بالسمنة وبعد كدة حوطي فيها خليط البسبوسة وظبطي البسبوسة في الصينية كويس وبعد كدة حوطي عليها المكسرات واضغطي على المكسرات بإيدك وممكن تسيبيها سادة من غير مكسرات حسب المتوفر عندك 😍
  5. دخلي الصينية الفرن على درجة حرارة 180 لمدة 30 دقيقة ولو وجهها متحمرش شغلي الشواية عليها لحد لما تأخذ لون ذهبي حلو وبعد كدة خرجيها من الفرن وحوطي عليها الشربات ويكون الشربات سخن وخفيف وغطيها 5 دقائق وبعد كدة سيبيها لحد لما تبرد خالص وتتشرب كل كمية الشربات 😍
  6. قطعيها وقدميها بعد كدة في اطباق التقديم بجد لذيذة وحلوة جداً جربيها أكيد هتعجبك😍 وصفه سهلة وناجحة جداً 👌🏻✌️🤩
  7. 😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →