→ كل الوصفات

بسبوسة الحلواني 👌

اظبط طريقة بالنسبالي والكل شكر فيها ومش هغيرها 👏

  • 1/2 كيلو دقيق سميد
  • 300 جرام سكر عادي
  • 100 جرام سمنه طريه (عادي)
  • 225 جرام لبن
  • 2 معلقه كبيره لبن بودر نيدو محمص
  • 250 جرام سكر
  • 500 مل مياه
  • عصير نص ليمونة
  • معلقة كبيرة عسل جلوكوز
  • معلقة صغيرة سمنه بلدي
  • رشة فانيليا
  1. اول حاجه في إناء نضع (اللبن + السكر) ونضعهم على نار هادئة (علشان لو نار عاليه اللبن هيفصل) ونقلب لحد ما السكر يذوب تماما ونتركه يبرد لحد ما يبقى شبه دافئ زي دمعه العين كده
  2. وفي إناء اخر نضع (السميد + اللبن البودر المحمص) ونخلطهم سوا كويس ملحوظة 👀 : اللبن البودر المحمص بيخلي قلب البسبوسه لونه مكرمل كده وجميل لو مش حبة متحطهوش
  3. ثم ننزل عليهم بالسمنه ونبسهم مع بعض كويس (انا بحب اعملها بسمنه عاديه عليها ملعقة او اتنين سمنه بلدي علشان الطعم ميكنش قوي وتبقي تقيله وكله حسب ذوقك)
  4. ثم ننزل بخليط اللبن ونقلب بسيط يذوب اللبن يختفي
  5. وبنجيب صينية مقاس ٣٠ مدهونة سمنه بلدي كويس - وننزل بالخليط ونساوي الوجه ونخبط مرتين وممكن نضع على الوجه مكسرات او نسيبه ساده زي ما تحبي
  6. تدخل فرن سابق تسخين على ٢٠٠ درجه لمده من ٣٠: ٣٥ دقيقه او لحد ما يحمر من الجوانب والوش وممكن نشغل الشوايه تأخذ وجه لو مخدتش لون من فوق
  7. وفي هذه الاثناء نحضر الشربات نضع السكر والماء على النار واول ما تغلي والسكر يذوب ننزل بعصرة الليمون وعلى نار اقل من الوسط نتركه لمده ٥ دقائق ثم ننزل بعسل الجلوكوز ونقلب ثم نطفي عليه وننزل بسمنه ورشة الفانيليا
  8. واول ما البسبوسه تطلع ساخنه والشربات بيغلي نسقي بيه البسبوسه كل المقدار ونغطي تشرب براحتها ونتركها تبرد ثم نقطعها وبالف هنا
عجبتك الوصفة؟
شوف كل وصفاتنا في مكان واحد
كل الوصفات →