→ كل الوصفات
طريقة عمل بسبوسة المحلات المرمله والدايبه 😋#حلويات_رمضان 🌙 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو دقيق سميد
- 250 جرام سكر عادي
- 200 جرام لبن
- 200 جرام سمنه بلدي
- 50 جرام عسل جلوكوز
- 2 معلقه كبيره لبن بودر محمص
- معلقه كبيره جوز هند (اختياري)
- 2 وربع كوب سكر عادي
- 2 ونص كوب ماء
- عصره نص ليمونة
- 50 جرام عسل جلوكوز
طريقة التحضير
- بجيب وعاء واحط فيه (السمنه + السكر + اللبن + عسل الجلوكوز) ونضعهم على النار يذوب يدفئ زي دمعة العين (اوعي يغلي منك هينشف البسبوسه)
- في بوله بنضع(السميد + اللبن البودرة المحمص + جوز الهند) اللبن البودرة بحمصه على النار من غير اي ماده دهنيه دا بيدي لون مكرمل وبني من قلب البسبوسه ولو حبة قلبها ابيض متحطيش اللبن البودرة وبالنسبه للجوز الهند انا محطهوش لاني بحب البسبوسه من غير فدا اختاري
- وبعدين بننزل بخليط السمنه على السميد ونقلب بالمعلقه يذوب يتخلطوا بس
- بجيب صينية مقاس ٣٠ او ٣٢ لو عاوزها ارفع انا استخدمت هنا ٣٠ وبدهن الصينية سمنه كويس ومن الجوانب
- ثم ننزل بخليط البسبوسه (بيكون سايل شويه مش تقيل) ونخبط الصينية مرتين وممكن نحط مكسرات بندق او لوز اللي تحبيه
- تدخل فرن سابق التسخين على ١٨٠ درجه وتدخل في الشبكه اللي في النص ونتركها لحد ما تحمر كلها من غوق وتحت ومش بنشغل الشوايه خالص
- وفي هذه الاثناء بنعمل الشربات بنحط السكر والمياه ونحطها على النار من غير ما نقلب فيها خالص لحد ما يغلي نقلب وهنلاقي السكر داب واول ما يغلي ننزل بعصره الليمون وعسل الجلوكوز ونتركها خمس دقائق تغلي ونطفيها نحط رشة فانيليا بودر
- اما تطلع البسبوسه نشغل عبن البوتاجاز على شعره خفيفه خالص ونحط صينية البسبوسه اول ما تطلع وننزل عليها بالشربات هتلاقي البسبوسه فصلت من الصينينه وسهل تقلبيها وهنحط الشربات كل ما تشرب احط لحد ما اضغط باصباعي لحد ما الاقي الشربات بيطلع في الضغطه دي ونتركها تبرد ونقطعها هتطلع الخرطه بخرتطها وفي نفس الوقت ذايبه ومرمله والطريقه دي من الشيف الجميله اماني وحيد وبجد انجح وصفه بسبوسة 🤩
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد