→ كل الوصفات

بسبوسة بالبندق

#عيد_الاضحى #النملية

  • 2 كوب وتلت دقيق سميد
  • 2/3 كوب سمن
  • 1/2 كوب سكر عادي
  • ملعقة صغيرة بيكنج باودر
  • ملعقة كبررة عسل نحل
  • علبة زبادي صغيرة
  • بندق للتزيين
  • للشربات
  • كوب سكر
  • كوب مياه
  • 1/2 ليمونة
  • باكت فانيليا
  1. نضع السكر والبيكنج باودر على دقيق السميد ونقلبه
  2. نسيح السمنة وندوب فيها العسل ونضيفها على دقيق السميد ونبسها كويس جداا بحيث السمنة تغلف الدقيق كله ونضيف الزبادي ونقلب تقليب بسيط بحيث يختلط الزبادي مع الخليط
  3. في صينية مدهونة سمنة كتير ننزل البسبوسة ونساويها كويس ونخبطها على الرخامة مرتين تلاتة علشان تتساوى وبعدين نزينها بالبندق او السوداني او اللوز او اي مكسرات عايزينها ، تدخل فرن متوسط الحرارة لمدة نصف ساعة، لما الحروف تغمق بنولع الشواية ٣ دقايق
  4. لحد ما البسبوسة تستوي بنعمل الشربات ، ندوب السكر في المياه ونرفعه على النار ولما يغلي نعصر النصف ليمونة ونسيبها على النار تتقل شوية حوالي ١٠ دقايق ونطفي ونضيف باكت الفانيليا ونقلب
  5. نطلع البسبوسة من الفرن ونسقيها بالشربات السخن وهي سخنة (مهم جداا بكون الاتنين سخنين) ونغطيها بالفويل وندخلها الفرن ١٠ دقايق وهو مطفي
  6. بعد ما تبرد تتقطع وتقدم ، وبنفس المقادير ممكن نعمل بسبوسة بالشكولاتة ودي الاطفال بيحبوها جدااا وانا نزلتلكم وصفتها قبل كده ، تابعوني لأحلى الوصفات ، بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →