→ كل الوصفات

بسبوسة بالزبدة 😋

❤سبحان الله وبحمده سبحان الله العظيم ❤ جيالكم انهاردة بطريقة جديدة أسهل و اسرع والنتيجة تجنن وبالذبدة عشان لو السمنة مش متوفرة..اتمنى تجربوها وتدعولي بالشفاء ❤

  • 1/2 كيلو سميد بسبوسة خام بدون إضافات (3كوب عياري)
  • 3 م ك جوز هند
  • 1 \2م ص بيكنج بودر او 1 م ص كيك شيف
  • 3/4 كوب سكر عياري
  • 3/4 كوب لبن عياري
  • 3/4 كوب زبدة عياري
  • 1/4 كوب عسل نحل او نص كوب عسل جلوكوز
  • باكت فانيليا 2 جرام
  • الشربات 🍯👇
  • 2.5 كوب سكر + ملعقة كبيرة مليانة
  • 2.5 كوب ماء
  • م ك عسل نحل او جلوكوز
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤ نخلط السميد مع البيكنج بودر وجوز الهند والسكر
  2. في بولة على النار نضع اللبن و الزبدة و عسل الجلوكوز او النحل ونخليهم يدفو بس مش يسخنو يادوب العسل يفك والزبدة تسيح ولو سخنو نخليهم يبردو شوية لحد ما اجسهم بأيدي والاقيهم بقي دافيين لو حطيتهم عالبسبوسة سخنين هتنشف مني وتعضم
  3. ننزل بالخليط عالسميد ونقلب بشويش تقليب مش عجن ونصبها في الصينية وتكون مدهونة سمنة او زبدة ونخبطها خبطتتين عالرخامة عشان نساوي الوجه ونطلع اي هوا منها نمسح الوجه ونساوية لو احتاج بأيدينا وتكون مبلولة ماء
  4. ندخلها الفرن على ١٨٠ لحد ما تحمر من الوجه وتأخذ لون ذهبي
  5. في الوقت اللي بتستوي فية البسبوسة نجهز الشربات نحط السكر والماية على النار المتوسطة ومجرد ما يغلي نحسب ٧ دقائق بالظبط ونضيف ملعقة العسل او الجلوكوز ونطفي
  6. نسقيها بالشربات السخن مجرد ما تخرج ونغطي وجهها ١٠ دقائق بس تبرد وتقدم بالف هنا..جربوها بطريقتي يارب تعجبكم
  7. ملحوظة 🤓 👈السميد وسط مش ناعم خالص ومش خشن.. 👈تعرفي السميد الحلو لما تفركي حبة في ايديك وتلاقي ايديك نضيفة مش سايب اثر دقيق ابيض في ايديك.. 👈الزبدة لازم تكون غير مملحة.. 👈 السكر كدة مظبوط اللي يحبها مسكرة اكتر يخلي الشربات ٣ كوب سكر و ٣ كوب ماء 👈العسل الأبيض مسكر اكتر بكتير من عسل الجلوكوز فنلتزم بالكمية المكتوبة وفايدة العسل انة بيدي قوام وتماسك حلو ليها
  8. أخيرا كل من مر هنا يدعو لجدتي بالرحمة والمغفرة والعفو يارب ❣ اللهم اغفر لجدتي وارحمها واسكنها فسيح جناتك يارب العالمين ❤
عجبتك الوصفة؟
شوف كل وصفاتنا في مكان واحد
كل الوصفات →