→ كل الوصفات
طريقة عمل بسبوسة بالشوكولاتة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب وتلت دقيق سميد
- 1/2 كوب سكر
- ملعقة بيكنج باودر صغيرة
- 2/3 كوب سمن
- ملعقة كبيرة عسل نحل
- كوب زبادي
- الشربات
- كوب سكر
- كوب ماء
- عصير نصف ليمونة
- باكت فانيليا
- طبقة الشوكولاتة
- عبوة شوكولاتة مطبخ
- ملعقة صغيرة زيت ذرة او عباد شمس
طريقة التحضير
- نضيف السكر والبيكنج بودر للدقيق ونقلبهم
- نسيح السمنة ونضيفلها ملعقة العسل ونضيفهم على السميد ونقلبه كويس لحد ما الدقيق كله يتغلف بالسمنة
- نضيف علبة الزبادي ونقلب بس مش كتير علشان البسبوسة متنشفش. وبعدين نفردها في صينية مدهونة كويس بالسمنة ونخبطها على الرخامة علشان تتساوى
- نحطها في فرن على ١٨٠ درجة حوالي ٢٥ دقيقة. في الوقت ده بنكون بنحضر الشربات. السكر والمياة على النار ولما يغلي نضيف عصير الليمون خمس دقائق ونطفي ونضيف الفانيليا
- بعد ما البسبوسة تستوي وتأخذ لون حلو نطلعها ونسقيها شربات بالتدريج وبعدين نغطيها ونرجعها الفرن وهو مطفي عشر دقائق
- نقطع قالب الشوكولاتة ونحطه في حمام مياه علشان يسيح ومعاه ملعقة الزيت او مكعب زبده صغير وممكن في الميكروويف. بعد ما تسيح نفردها على وجه البسبوسة ونقطعها لما تجمد ، وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد