→ كل الوصفات

بسبوسة بالشوكولاتة

طريقة عمل بسبوسة بالشوكولاتة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب سميد بسبوسة
  • 1/4 كوب سكر
  • 2 معلقه كبيره لبن بودر اختياري
  • 1/2 كوب جوز هند
  • رشه ملح
  • فانيليا
  • بيكنج بودر
  • 1/2 كوب سمن
  • 1/4 كوب زيت
  • كوب الا ربع لبن
  • فنجان صغير مليان سكر
  • فنجان لبن
  • فنجان زيت
  • معلقه كبيره كاكاو خام
  • رشه فانيليا
  • كوب ونص سكر
  • 2 كوب ماء
  • عصير ليمونة
  • فانيليا
  • معلقه عسل كلوكوز الو عسل نحل اختياري
  1. صوص الشوكولاتة نضيف كل مكونات صوص الشوكولاتة ونرفعهم على النار لحد مايتم الغليان ويبقى قوام كريمي
  2. سيرم الشربات نضيف كل مكونات السيرم لحد مايتم الغليان ويبقى شربات خفيف
  3. تجهيز البسبوسه اولا نقلب كل المكونات الجافه مع بعض. وفي طبق عميق نخلط السمن مع الزيت واللبن ونضربهم كويس لحد مايبقى قوام كريمي ثم ننزل عليهم بالمكونات الجافه ونقلب تقليب بسيط لحد مايتجانس. وفي صينية مدهونة سمن ننزل بخليط البسبوسه ثم ندخلها فرن مسخن مسبقا في الرف الأوسط واول ما الحروف تحمر نشغل الشوايه يحمر الوجه نخرجها ننزل عليها بسيرة الشربات فور خروجها من الفرن ونسيبها تتشرب الشربات وتهدأ ثم ننزل بصوص الشوكولاتة ونسيبها تبرد وتتماسك تماما ثم تقطع وتقدم
عجبتك الوصفة؟
شوف كل وصفاتنا في مكان واحد
كل الوصفات →