→ كل الوصفات
طريقة عمل بسبوسة بالقشطة مع رشة قرفة حاجة كدة من الاخر في البيت بخطوات سهلة. المقادير: كوب وربع من سميد البسبوسة، 1/2 كوب سكر، 1/2 كوب زيت، ملعقة كبيرة سمنة وغيرها.
المقادير
- كوب وربع من سميد البسبوسة
- 1/2 كوب سكر
- 1/2 كوب زيت
- ملعقة كبيرة سمنة
- علبتين زبادي بلدي صغير
- 3 بيضات
- كيس فانيليا
- كيس بيكنج بودرة
- رشة ملح
- للجوانب
- نص ملعقة صغيرة قرفة
- نص ملعقة صغيرة سكر عادي
- مقادير القشطة
- 1/2 لتر حليب
- 3 ملاعق كبيرة نشا
- 3 ملاعق كبيرة سكر
- مقادير الشربات
- كوب سكر
- كوب ونص ماء
- نقطتين عصير ليمون
طريقة التحضير
- في بولة نضع الزبادي والسكر والزيت والسمنة والبيض والفانيليا ورشة الملح ونقلبهم كويس جداً مع بعض وبعدين نضع السميد عليهم ونقلبهم مع بعض
- نقسم الخليط نصفين متساويين
- نحضر صينية مقاس ٣٠ مدهونة زيت ومبطنة بالدقيق ونضع فيها النصف الاول ونساوى الخليط ونهز الصينية علشان يتساوى جيداً وندخلها الفرن ويكون ساخن مسبقا على درجة حرارة ١٨٠ لحد ما تأخذ لون ذهبي من الجوانب وتكون في نفس الوقت استوت من الوسط وهى في الفرن نحضر القشطة
- في حلة نضع الحليب والنشا والسكر ونقلبهم على البارد وبعدين نرفعهم على نار هادية مع التقليب المستمر حتى يصبح القوام متوسط لا خفيف ولا تقيل
- نخرج الصينية من الفرن ونضع عليها القشطة ونساويها كويس وندخلها التلاجة١٠ دقائق حتى تتماسك القشطة ونقدر نحط عليها النص التاني من السميد نخرجها من الثلاجة ونحط عليها بقية السميد ونساويها كويس جداً مع هز الصينية في المرحلة دى مش هانشغل الفرن هانحطها تحت الشواية تأخذ لون ذهبي غامق شوية وبرده هاتكون استوت أوعى تشغلى الفرن لانها مستوية من تحت علشان ماتتحرقش الشواية بس
- اول ماتخرج من الفرن وهى ساخنة اسقيها بالشربات أوعى تضيفى كمية الشربات كلها مرة واحدة اسقيها بالملعقة لحد ماتكتفى ممكن تأخذ منك ثلث كوب شربات او أكتر شوية وبالهنا
- عمل الشربات حطى السكر والمية على نار عالية لحد مايغلوا غلوة واحدة وبعدين هدى النار وضيفى الليمون وسيبهم ١٠ دقائق على النار من غير تقليب وبكدة يبقى جاهز معاكى
- ملحوظة انا حاطة من الجوانب نص ملعقة صغيرة سكر عادي مع نص ملعقة صغيرة قرفة ومقلباهم كويس مع بعض واول ماخرجتها من تحت الشواية رشيت في الجوانب قبل مااحط الشربات بتدي طعم وريحة وشكل تحفة لو حابة اعملى كدة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد