→ كل الوصفات
#نكهة_عربية أحلى بسبوسة ممكن تعمليها سهلة وبسيطة وطعمها روعة👌👌😋
المقادير
- 2 كوب سميد
- 3 ملاعق جوز هند
- 1 علبة زبادي
- 1/4 كوب لبن
- 1/2 كوب سكر
- 1 كيس فانيليا
- 3/4 كوب سمنة أو ذبدة سايحة
- 1/2 ملعقة صغيرة بيكنج بودر
- لعمل الشربات نحتاج
- 2 كوب سكر
- 2 كوب ماء
- 1/2 عصير ليمونة
- 1 ملعقة ذبدة أو سمنة صغيرة
- كيس فانيليا
طريقة التحضير
- أولاً نحضر طبق غويط ونضع فية السميد والبيكنج بودر والفانيليا وجوز الهند ونقلبهم مع بعض وبعد كده نضع السمنة السايحة ونقلب السمنه مع السميد كويس لحد لما كل حبيبات السميد تتغلف بالسمنه كويس☺️
- نحضر طبق غويط ونضع فيه السكر والزبادي واللبن ونقلبهم كويس جداً مع بعض وبعدين نضيفة على السميد ونقلبهم مع بعض بسيط جداً لحد لما يمتزجوا مع بعض متحاوليش تعجنيهم كتير عشان البسبوسة هتنشف منك ☺️
- إحضري صينية البسبوسة وإدهنيها بالسمنة وضعي فيها خليط البسبوسة وسويها كويس في الصينية بأديكي وبعدين دخلي الصينية الفرن على درجة حرارة ١٨٠ حوالي نصف ساعة ولما تستوي ووشها يتحمر خرجيها وحوطي عليها الشربات وهو سخن حوطي عليها كل كمية الشربات وغطيها بعد كدة بالفويل وتسيبيها حوالي 1/2ساعة وبعدين رشى عليها جوز هند أو مكسرات إللي متوفر عندك ☺️
- قدميها بئا وأستمتعي بأحلى وأطعم بسبوسة إنتي إللي عاملاها وبالهنا والعافية عليكي يارب😍👌💗🤗
- لعمل الشربات نضع السكر والماء والفانيليا وملعقة السمنة وعصير الليمون ونسبهم يغلو على النار لمدة ٧ دقائق وبعدين نقفل النار علية عايزين الشربات خفيف مش تقيل وبعدين حوطي على البسبوسة اول ما تخرج من الفرن☺️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد