→ كل الوصفات
Basbousa light impregnated #حراير_الجزائر 🇩🇿 🇩🇿 🇩🇿 🇩🇿 #مكون_مشترك_حليب #الأكلات_الجزائرية_بين_التقليدي_والعصري 🇩🇿 #الاكلات_الجزائرية 🇩🇿 🇩🇿 🇩🇿 🇩🇿 #الجزائرية 🇩🇿 🇩🇿 🇩🇿 🇩🇿 #لنحتفل_معا_بمطبخنا_الجزائري 🇩🇿🇩🇿🇩🇿
المقادير
- 02 كيسان سكر عادي 🍥
- 04 كيسان ماء 🥤
- شريحتين الليمون 🍋
- 03 حبات بيض 🥚 🥚🥚حجم كبير بدرجة حرارة المطبخ
- 1/2 كأس سكر عادي 🍥
- ملعقة كبيرة مبشور الليمون 🍋
- ملعقة صغيرة فانيلا
- كأس الا ربع زيت
- كأس الا ربع حليب دافئ
- كأس سميد متوسط
- 02 ملاعق كبار فرينة (طحين)معمرين مليح
- 02 ملاعق كبار نواة كوكو معمرين مليح
- كيسين خميرة كيميائية (بيكينغ بودر) وزن 20 غ
- كاوكاو بعطر الفستق (بيستاش) في هذا الرابط
- نواة كوكو 🥥🥥
- كاوكاو ايفيلي (رقائق كاوكاو) محمص
- حلقومة على شكل توت
طريقة التحضير
- بسم الله الرحمن الرحیم اولا نسخن الفرن 🔥 اولا نحضر الشاربات هي 02 كيسان سكر عادي 🍥 نضعها في كسرونة
- ونزيد عليهم 04 كيسان الماء
- و شريحتين الليمون 🍋
- نضعها فوق النار 🔥ونمزج سكر عادي 🍥 مع الماء
- كي يبدأ يغلي نحسب 12 دقيقة
- ونطفي عليه ونخليه يبرد
- لتحضير بسبوسة نضع 03 حبات بيض 🥚 حجم كبير بدرجة حرارة المطبخ
- نص كأس سكر عادي 🍥
- ملعقة كبيرة مبشور الليمون 🍋
- ملعقة صغيرة فانيلا
- ونضرب بالباتور
- حتى يولي خليط رغوي
- ونزيد كأس الا ربع زيت
- ونضرب بالباتور أو بالفوي
- نضيف كأس الا ربع حليب دافئ ماشي سخون
- ونخلط بالفوي أو بالباتور حتى يولي رغوي
- نجيب كأس سميد متوسط
- ونضيفو للخليط
- ونمزج بالفوي
- حتى تختفي تماما
- ونزيد 02 ملاعق كبار نواة كوكو 🥥 معمرين مليح إذا ما تحبيش نواة كوكو 🥥 عوضيه 02 ملاعق كبار سميد متوسط
- ونخلط بالفوي
- ونزيد 02 ملاعق كبار فرينة (طحين) معمرين مليح
- ونزيد 02 كيس خميرة كيميائية (بيكينغ بودر) وزن 20 غ ونخلط بالفوي
- حتى تختفي تماما فرينة (طحين)
- ويكون بهذا القوام
- نغطيها ونخليها ترتاح لمدة 05 دقائق راح تزيد تثقال
- نجيب صينية قيس 30 سم على 24 سم ندهنو بشوية زيت
- ونجيب كمية من سميد متوسط
- ونرش صينية
- بعد ما ارتاحت
- نزيد نخلط بالفوي
- ونفرغ الخليط في صينية
- ونخبطها على طاولة العمل
- وندخلها للفرن 🔥 لي كنت شعلتها من قبل على درجة 160 د نحمرها من تحت ومن فوق َ
- نخرجها من الفرن 🔥
- ونجيب شاربات لازم تكون باردة وبسبوسة سخونة ونشربها كامل الكمية
- ونخليها لمدة 03 ساعات
- نقسمها على 04 بالطول وننزع الحواف باش يجي شكلها جميل
- ونقسمها على 03 بالعرض
- التزيين اختياري عندنا نواة كوكو 🥥
- نجيب شوية نواة كوكو 🥥 ونزينها بها بسبوسة مثل ماهو واضح في الصورة
- كيفية تحويل الفول السوداني إلى الفستق في هذا الرابط
- ونزين نص آخر بالفول السوداني بذوق الفستق
- نجيب حلقومة على شكل توت
- ونزينها في الوسط
- ويكون بهذا الشكل
- نحمص رقائق كاوكاو (كاوكاو ايفيلي)
- ونزين حبة بسبوسة نصفها كاوكاو ايفيلي
- ونصفها نواة كوكو 🥥 ونزيد نحط حبة حلقومة في الوسط
- او نزين حبة بسبوسة بالكاوكاو ايفيلي
- ونحط حبة حلقومة في الوسط
- ويكون تزيين بهذا الشكل
- نجيب ليكيسات
- ونحط حبة بسبوسة
- ونضعها في صحن تقديم
- بصحة وراحة 😋 😋 😋 😋
- وتزيين اختياري
- او تخليها بهذا الشكل بدون إضافات
- ويجي مشرب من الداخل
- ونقدموه مع شاي بالحليب بصحة وراحة 😋 😋 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد