→ كل الوصفات
طريقة عمل بسبوسة طريه حلوة اوي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب سميد بسبوسة
- 1/4 كوب لبن
- معلقه صغيره بيكنج بودرة
- معلقتين كبار جوز هند
- كوب سكر
- 3 معلقة سمن سايح
- 2 كوب سكر
- 3 كوب ماء
- كيس فانيليا
- معلقه سمنه صغيرة
طريقة التحضير
- نخلط السميد +السكر +جوز هند +البيكنج بودرة ونقلبهم كويس
- نضيف السمن السايح ونقلبهم مع بعض بطراطيف الصوابع من تحت لفوق لغايه مايبقوا زي الرمله المبلوله
- نضيف اللبن ونقلب بردوا بطراطيف الصوابع من تحت لفوق حتى يمتزج الخليط (يعني بلاش نعجنها عشان ماتبوظش منك)
- نحط الخليط في صينيه مدهونه سمنه او زيت ونخبطها على الارض خبطتين ونبل ادينا ماء ونساويها من فوق كويس
- ندخلها الفرن الى هنكون مولعينوا قبلها ب 10دقائق على درجه حراره 180علي الشبكه في النص لمده من 30الي35دقيقه
- لو الوجه ما احمرش اطفي تحت وولعي الشوايه دقيقتين تأخذ لون وهنسقيها الشربات سخن والبسبوسه ساخنه
- هنغطي الصينيه بغطا وندخله الفرن وهو مطفي طبعاً 10دقائق عشان تبقه طريه
- وبعدين نقدمه بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد