→ كل الوصفات
طريقة عمل بسبوسة 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 390 جرام سميد او كوبين
- 120 جرام زبده او اكتر من نص الكوبايه بشويه
- 100 جرام سكر
- 50 جرام عسل
- كوب زبادي 100 جرام
- 30 جرام جوز هند
طريقة التحضير
- هنحط السميد في بوله و عليه الزبده السايحه و نقلبهم و نفركه كده لحد ما نتاكده انه اتغلف كله
- بعدين نحط الجوز هند و نقلب
- و بعد كده في طبق او بوله صغيرة نحط العسل و السكر و الزبادي في الميكرويف اهم حاجه يكونوا دافيين و بعد كده نزل بيهم عالسميد و نقلب
- هنجيب صينيه مثلا ٢٨ او ٢٦ و ندهنها زبده و نحط فيها الخليط و نساويه كويس و نغطيه بورق فويل و نحطه في الثلاجه نض ساعة
- الشربات كباية و ربع سكر على كوب و ربع ماء و عليهم نص ليمونه صغيرة و كيس فانيلا و اول ما السكر يذوب و يبتدي يغلي نطفي على طول و نضيف ملعقة زبده بلدي بتخليه تحفه
- نسخن الفرن لمده ١٠ دقائق كده و نحط البسبوسه لحد ما الاطراف تحمر نولع الشوايه لحد ما وجهها يحمر نطلعها و نحط عليها الشربات اهم حاجه يكون دافي لا سخن و لا ساقع و غطيها بنس الفويل لحد ما تتشرب و بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد