→ كل الوصفات
طريقة عمل بسبوسة 😍😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 كوب سميد
- 1/2 كوب سكر
- 2 ملعقه لبن بودرة
- 2 ملعقه صغيرة بيكينج بودر
- 4 ملاعق سمنه بلدى
- ملعقة عسل ابيض
- 1/2 كوب لبن دافئ
- الشربات
- كوب ونصف سكر
- كوب ونصف مياه
طريقة التحضير
- نحمص اللبن البودرة على النار لحد ما يبقى لونه دهبى
- نضيف فى بولة السميد و السكر و اللبن المحمص و البيكنج بودر و نقلب كويس
- فى سلطانية نضيف السمن و ملعقة العسل و نحطها فى الميكرويف ٣٠ ثانية
- نبث الخليط بالسمنه كويس لمدة متقلش عن ٥ دقايق باليد افضل طريقة
- و بعدين نضيف اللبن الدافئ و نقلب تقليبه بسيطه بالملعقه
- نجيب صينيه و ندهنها سمنه و نحط الخليط و نساوى الصينيه و نخبطها كده فى الرخامه عشان يطلع الهوا و نحطها فى فرن سخن على ١٨٠-٢٠٠ لمده من ٢٠ إلى ٢٥ دقيقه
- و على ما تستوى نحضر الشربات عبار عن كوب و نصف سكر على كوب و نصف مياه على النار لحد ما تغلى.. شربات البسبوسه سخن على الصينيه و هى سخنه بنضيفه حبه حبه بالكبشة
- و تقدم بعد ما تهدى 😍😍😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد