→ كل الوصفات
طريقة عمل بسبوسه الحلواني في البيت بخطوات سهلة. المقادير: 1/2 كيلو دقيق بسبوسه، 2/3 كوب سمنه، كوب سكر، كوب لبن وغيرها.
المقادير
- 1/2 كيلو دقيق بسبوسه
- 2/3 كوب سمنه
- كوب سكر
- كوب لبن
- 1/2 كوب شربات تقيل او عسل نحل
- كوب ونص سكر
- كوب ونص ماء
- 2 شريحه ليمون
- كيس فانيليا
طريقة التحضير
- نبدأ بسم الله ودى المكونات بتاعتنا👇
- نحضر بوله ونحط فيها دقيق البسبوسه وعليه نص كوب جوز هند ناعم ودا اختياري لو مش حابه عادي بس بيدى ريحه جنان انا بفرمه ناعم جداً عشان الولاد متحسش بى ونحط السمنه وياسلام لوسمنه بلدي هتبقى جنان ومينفعش زبده لو مش متوفر سمنه بلدي يبقى سمنه عاديه ونبسها كويس جداً لحد ما كل الحبيبات تتشرب بالسمنه ومنفضلش نقلب كتير من شروط نجاح البسبوسه عدم العجن
- وبعدين في حله احط اللبن والسكر والعسل وادفيهم بس على النار عشان ادوب العسل والسكر في اللبن عشان منطرش نعجن في البسبوسه كتير
- وبعدين نحطهم على دقيق البسبوسه تقلبتين باطراف الاصابع بس هتلاقيها امتزجت بالسائل كويس جداً ونحضر الصينيه وندهنها سمنه ونصب الخليط بيبقى شبه سائل ونسبها ترتاح في الثلاجه نص ساعة
- وبعدين احضر الشربات احط السكر على الماء وادوب السكر كويس جداً واضيف عليه شرايح الليمون واحطه على النار غلوتين بس واطفى عليه مع اضافه كيس فانيليا
- وبعدين اسخن الفرن على درجه حراره ٢٠٠ واضيف البسبوسه اول ما تحمر الجوانب نشغل الشوايه يحمر الوجه ونطلعها ونسقيها بالشربات ويكون بارد النتيجه بتكون افضل وكل ماتسيبيها تبرد بتكون النتيجه افضل في التقطيع
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد