→ كل الوصفات

بسبوسه المحلات طريه متماسكه 🤔

#التحدي_البرونزي مرمله شاربه الشربات في دقيقه واحده

  • 2 كوب سميد بسبوسه
  • معلقه صغيره بيكنج بودرة
  • 2 علبه زبادي
  • معلقتين كبار جوز هند
  • 1 كوب سكر
  • 1 كوب سمن بلدي سايح
  • مقادير الشربات: (خفيف وسخن مولع) 😊
  • 1 كوب سكر
  • 2 كوب ماء
  • كيس فانيليا صغير
  • معلقه كبيره عسل ابيض
  • معلقه سمنه بلدي
  • ½ ليمونه بعد الغليان نطفي عليها
  1. نخلط السميد + السكر + جوز الهند + البيكنج بودرة ونقلبهم كويس
  2. نضيف السمن السايح و نقلبهم مع بعض بطراطيف الصوابع من تحت لفوق لغايه مايبقوا زي الرمله المبلوله
  3. نضيف الزبادي و نقلب بردوا بطراطيف الصوابع من تحت لفوق حتى يمتزج الخليط. (يعنى بلاش نعجنها عشان ماتبوظش منك)
  4. نحط الخليط في صينيه مدهونه سمنه او زيت ونخبطها على الترابيزه خبطتين و نبل ادينا ماء ونساويها من فوق كويس
  5. ندخلها الفرن اللي هنكون مولعينوا قبلها ب 10 دقائق على درجه حراره 180 على الشبكه في النص لمده من 30 الى 35 دقيقه
  6. لو الوجه ما احمرش اطفى تحت وولعى الشوايه دقيقتين تأخذ لون. هنسقيها الشربات سخن والبسبوسه ساخنة
  7. هنغطي الصينيه بغطا معدن وندخلها الفرن وهو مطفى طبعاً 10 دقائق عشان تبقى طريه. وبالهنا والشفا 😊😊
عجبتك الوصفة؟
شوف كل وصفاتنا في مكان واحد
كل الوصفات →