→ كل الوصفات
#بسبوسه_بالقشطه😋
المقادير
- كوب ونصف حليب بودرة (150 جرام)
- كوب سميد ناعم (دقيق السيمولينا) (165 جرام)
- 3/4 كوب سمن او زبدة او سمن على زيت او زبدة على زيت (170 جرام)
- 1/2 كوب سكر (100جرام)
- علبة قشطه (170 جرام)
- ½ كوب حليب مكثف محلي (157 جرام)
- 3 ملاعق كبيرة حليب سائل
- 2 ملعقة صغيرة بيكنج بودر (10 جرام)
- 2 كوب حليب (200 مللي)
- 3 معالق كبيره نشا
- علبة قشطه (170 جرام)
- 2 ملعقة كبيرة حليب بودرة(20 جرام)
- باكت كريم شانتيه
طريقة التحضير
- نحط حليب البودره في طاسه على النار و نفضل نحركها لحد مايبقى لونها ذهبي حلو ونشلها من على النار ،نشيل نص كوب للتنزين
- نجيب بولا نحط فيها دقيق السميد والزبده السايحه ونقلبهم بسبتيولا لحد مايتجانسو مع بعض نأخذ حليب البودره الى جهزناه ونحطو عليهم
- نحط السكر والحليب السائل والقشطه والحليب المكثف ونقلبهم كويس لحد مايتجانسو خالص
- بعدين نحط البيكنج بودر ونقلب كويس
- نكون مجهزين الصينيه الى هنحط فيها ومبطننها زبده ،نحط نص الكميه في الصينيه ونفردها كويس ونسيب الباقى على جمب
- نكون مجهزين الفرن على درجه حراره ١٨٠ ونحط الشبكه على اخر رف ونحط الصينيه ونسبها ١٠ دقائق في الفرن
- نجهز القشطه : نجيب كزروله ونحط فيها الحليب و النشا ونقلب جامد لحد ما النشا تذوب و نحط القشطه وحليب البودرة و الكريم شانتيه و نقلبهم و بعدين نفتح النار عليهم
- نقلب لحد ماتتقل وتبقى سمكها ولا تقيل اوي ولا خفيف
- نطلع البسبوسه من الفرن و هي ساخنه نحط عليها القشطه عشان يمسكو في بعض ونفردها كويس
- نجيب بقيت عجينه السميد الى سبناها على جمب ونخففها ب ٢معلقه حليب سائل
- ونحطها فوق القشطه ونفردها براحه جداً
- نأخذ الصينيه وندخلها الفرن و نفتح الفرن من فوق ونسبها لحد ماناخد لون ذهبي حلو من فوق
- نطلعها و هي ساخنه نحط عليها حليب مكثف و استنى لحد ما البسبوسه تشربو
- بعدها نحط نص كوب الحليب البودره الى كنا حطناها على جمب و نحطها على الوجه كلو
- بعدها ممكن مزوقها بفسدق او نحط عليها اي مكسرات عوزنها
- وبالهنا و الشفا 🌸
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد