→ كل الوصفات

بسبوسه باللوز

طريقة عمل بسبوسه باللوز سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 500 جرام سميد
  • 200 جرام زبادي
  • كوب وربع سكر بودره
  • 0.5 معلقه صغيره فانيلا
  • معلقه بيكينج بودر
  • 0.5 كوبايه سمنه
  • للشربات..ِ
  • كوبيتين مايه
  • كوبايه ونص سكر
  • 0.5 عصير لمونه
  • معلقه ضغيره فانيلا
  • معلقه كبيره سمنه
  1. هنضيف السمنه والسكر على السميد ونفركها كويس بإيدينا لغايه ما تدوب السمنه مع السميد
  2. نضيف الزبادي والبيكينج بودر والفانيلا ونقلب بالراحله عشان مش تعجين ويفضل يكون التقليب بمعلقه خشب
  3. بعد كده نجيب الصينيه ونحط عليها معلقه طحينه خام ونفردها في الصينيه كلها ونحط العجيينه عليها ونزوقها باللوز او اي نوع مكسرات تحبوه
  4. بعدين نسيبها ترتاح نص ساعه على جنب ونحضر الشربات
  5. نحط مكونات الشربات كلها على بعض (ما عادا الفانيلا والسمنه)ونسيبيهم يغلوا على نار عاليه لمده 5 دقايق وبعد كده نضيف السسمنه والفانيلا ونسيبهم 5 دقايق كمان وبعدين نطفي
  6. بعد ربع ساعه نشغل الفرن على درجه حراره 200 واما يعدي نص ساعه من ارتياح صينيه البسبوسه نحطها في الفرن على الرف اللي قبل الاخير لمده 30 دقيقهاو لغايه ما الحروف تكون احمرت.. وبعد كده نشغل عليها الشوايه تحمر من فوق
  7. بعد كده اول ما تحمر من فوق نضيف عليها الشربات اول ما تطلع م الفرن.. ولازم الشربات يكون سخن جدا هو كمان. ونسيبها ساعه وبعد كده تتقدم بالف هنا
عجبتك الوصفة؟
شوف كل وصفاتنا في مكان واحد
كل الوصفات →