→ كل الوصفات
طريقة عمل بسبوسه بطريقه سهله جدا روعه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 ونص كوب سميد
- كوب جوز هند
- 0.25 كوب لبن
- 0.25 كوب عسل جلوكوز او عسل نحل
- 0.5 كوب سكر
- 0.5 كوب سمنه بلدي، ولو مفيش نحط اى نوع يكون كويس
- علبة زبادي بلدي
- علبة قشطه
- الشربات
- كوب ونصف سكر
- كوب ونصف ماء
- نص ليمونه
- 1 عود قرفه
- رشة فانيليا
طريقة التحضير
- نضع اللبن والعسل مع بعض في حله على نار هادئة ونقلبهم ثم نضع السكر والسمنه ونقلب الى ان يذوب السكر ثم نضع جوز الهند والسميد ونقلبهم جميعا بسرعه ثم نبعدها عن النار ونحط عليها الزبادي والقشطه ونقلبهم كويس الى ان يختلطوا تماما
- نحضر صينية وندهنها بمعلقه كبيره سمنه مع ملعقة طحينه ونضع خليط البسبوسه ونفردها كويس ونبل ايدينا ماء ونساوى بها وجه الصينيه وندخلها فرن سابق التسخين
- وهى في الفرن نقوم بتجهيز الشربات وهو عباره عن كوب ونصف سكر وكوب ونصف ماء ونص ليمونه وعود قرفه ورشة فانيليا
- نضعهم على النار يغلوا خمس دقائق فقط لان شربات البسبوسه لازم يكون خفيف
- ملحوظه: قبل ما نطفى على الشربات نضع رشة الفانيليا وثوانى ونطفى
- نطلع الصينية من الفرن وهى سخنه والشربات سخن نسقيها بالشربات ونغطيها وندخلها الفرن تانى (مطفى) لغاية ما تتشرب الشربات بتاعها وتطرى
- ولو حابين قبل ماتدخل الفرن تحطوا على وشها لوز حطوا انا ما كانش عندي وعادى طعمها كان تحفه
- وبالف هنا وصحه على قلوبكم يا رب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد