→ كل الوصفات
علشان #ختامها_السلام حبيت انزلكم وصفة حلوة اوي وسهلة وجميلة ولما تاكلوها هتحسوا قد ايه هي خفيفه وياسلام جنب كباية شاي باللبن بقى والدايت يبوظ الله😂 هتعجبكم جداً بإذن الله
المقادير
- 2 بيض
- م ص فانيليا (5 جرام)
- 1/2 كوب سكر بودرة (70 جرام)
- 1/2 كوب زيت (125 مل)
- 3 م ك حليب بودرة (50 جرام)
- م ص بيكنج بودر (5 جرام)
- 2 كوب دقيق (300 جرام)
- 500 جرام معجون تمر
- 4 م ك زيت
طريقة التحضير
- في بولة هحط سكر بودرة وبيض وفانيليا ونخلط بالمضرب اليدوي لحد ما الخليط لما يبقى أبيض
- وننزل بالزيت ونخلط وبعدين ننزل بالحليب بودرة وبيكنج بودر ونخلط لحد ما الخليط يكون كريمي
- وبعدين ننزل بالدقيق ونقلب بالمعلقة أو سباتولا spatula لحد ما الدقيق يختفي
- وبعدين نجمع العجينة بالإيد (بس ما نعجنش أبدا) نلم العجينة بالايد لحد ماتتلم وتبقى ملساء وسهلة تشكيل ونحطها في تلاجة ١٥ دقيقه (وممكن اقل لأننا في شتاء دلوقتي ممكن ١٠ دقائق بس)
- في بولة نحط العجوة عليه زيت ونخلطهم كويس لحد ماتبقى طرية ونشكل العجوة كرات متساويه
- وبعدين نطلع العجينة وناخد حتى صغيرة ونعملها زي كوب ونحط كورة العجوة فيها ونقفل عليها وبعدين نضغط عليها ونبططها شوية علشان تبقى شكل معمول او القرص كده وتكون سمكها مش عريض علشان لما تستوي ماتبقاش ضخمه وكده
- و بعدين نشكلها لاما بالقوالب أو بسكينه أو عصى بتاعت شيش طاووق نعمل بيها خطوط بالطول او بالطول والعرض الشكل اللي تحبيه وترصصيها في صينية مدهونة زيت خفيف وندخلها فرن ساخن على حرارة ٢٠٠ تأخذ بس لون من فوق ومن تحت وتستوي تقريبا ١٠ دقائق وهتلاقيها جاهزة وبألف هنا ❤️
- في حالة عاملين دايت ممكن نأخذ ٢ شريحه مع فنجان قهوة سادة أو شاي سادة ونتمشى بعدها ١٥ دقيقة ويفضل ناخدها خلال من نص لساعة كامله من الوجبه الرئيسية منها استمتعنا ومنها مابوظناش الدنيا ونعمل كمية قليله خالص علشان نشاركها مع غيرنا وتتوزع على الكل والعلبه تخلص في ساعتها علشان طول ماهي قدامنا مش هنبطل ناكل وخصوصا انها معموله بمكونات زي دقيق ابيض وده هيخلينا جعانين وعايزين ناكل كل شويه ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد