→ كل الوصفات

بسكوت الشوفان والقمح الكامل صحي جدا ومفيد للدايت

طريقة عمل بسكوت الشوفان والقمح الكامل صحي جدا ومفيد للدايت سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كوب شوفان مطحون
  • كوب دقيق قمح كامل
  • 1/2 كوب لبن خالي الدسم
  • 1/2 كوب زبدة بقري أو زيت
  • ملعقة كبيرة عسل نحل
  • ملعقة عسل أسود
  • بيضة واحدة
  • ذرة ملح
  • كيس فانيليا
  • ملعقة صغيرة بيكنج باودر
  • ملعقتين نيسكافيه
  • سكر سويتال للدايت أو سكر أبيض للي مش عامل دايت
  • ورق زبدة
  1. يمكن تحضير العجينة يدويا أو في العجان الكهربي وعادة أنا بعمله يدوي عن طريق خلط المكونات السائلة ثم وضع المكونات الصلبة
  2. في وعاء هنحط البيضة وعليها كيس الفانيليا وبعدين الزبدة ونقلب بمعلقة وهنحط السكر والنيسكافيه علي نص كوباية اللبن وندوبهم بالتقليب ونضيفهم علي البيضة ونقلب وبعدين نضيف معلقة العسل النحل والأسود ونقلب بالمعلقة وبعدها نضيف دقيق الشوفان ودقيق القمح بعد إضافة عليهم معلقة البيكنج باودر وذرة الملح ونقلب العجين بالإيد كويس لحد ما يبقا الخليط متجانس ولو احتاج سائل هنحط لبن بسيط ولو الخليط طري هنحط شوية دقيق لحد ما تبقا العجينة متماسكة
  3. الخطوة التانية بعد ما جهزنا العجين هنحطه في كيس تلاجة ونفرده ونحطه في الفريزر لمدة ١٠ دقايق عشان العجينة ترتاح وبعدين نخرجها من التلاجة ونبدأ نقطعها ونعملها علي شكل أقراص ونحطها علي ورق زبدة ونضغط بالشوكة في نص كل بسكوتة وندخلها الفرن علي درجة حرارة ١٨٠ لمدة ١٠ دقايق او لحد ما تنضج ووشها يحمر وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →