→ كل الوصفات

بسكوت العيد

طريقة عمل بسكوت العيد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو دقيق
  • كوبين ونص سكر بودره
  • 1/2 كيلو زبده او سمنه من التلاجه
  • معلقه كبيره نشا
  • فانليا
  • 4 بيضات
  • معلقتين كبار بيكنج بودر
  • معلقتين كبار تانج او ريحه البرتقال ودى احسن طبعا
  • 1/2 كوب لبن
  • معلقه صغيره نشادر
  1. هنضرب الزبده والسكر البودره بالمضرب الكهربائي افضل علشان توصل للقوام الكريمى
  2. وننزل عليهم بالبيض واحده واحده مع استمرار الضرب ومتنزليش بالتانيه غير لما الى قبلها تختفى الخليط مع اخر بيضه نضيف الفانيليا
  3. نضع بودره التانج او ريحه البرتقال ونضرب لحد ما تختفى ف الخليط
  4. هنخلط البيكنج بودر والنشا والدقيق مع بعض وننزلة حبه حبه على الخليط
  5. هندوب النشادر ف اللبن وننزلةبيه على العجين
  6. هنعملها بكيس الحلوانى لازم العجينه تكون طريه متخافيش منها لو حسيتى انها ماسكه هتضيفى معلقه لمعلقتين لبن لخد ما تظبط معاكى
  7. هتدهنى الصوانى وهتدخل على فرن درجه حراره ١٧٠ لما يحمر هتطفى وتشغلى الشوايه تاخد وش دهبى والف هنا
عجبتك الوصفة؟
شوف كل وصفاتنا في مكان واحد
كل الوصفات →