→ كل الوصفات

بسكوت النشادر

طريقة عمل بسكوت النشادر سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو دقيق
  • كوبين سمن بدرجة المطبخ
  • كوب ونص سكر بودرة ولو عوزه مسكر زيادة يبقى كوبيتين
  • معلقه صغيره بيكنج بودر
  • فانيلا بالبرتقال
  • معلقه كبيره ممسوحة نشادر
  • كوب ونص لبن دافي
  1. في بولة هنضيف السكر والسمن والفانيليا ونضربهم مع بعض بالهاند بلندر لو مفيش يبقى في الخلاط
  2. هنضيف عليهم الدقيق والبيكنج بودر وكوب اللبن هنقلب في النشادر وننزل بيه على الدقيق ونقلب المكونات كلها يدويا
  3. هتخلي نص كوب اللبن على جمب لو العجينة احتاجت هنزيد بسيط حسب نوع الدقيق لحد ماتكون عجينة لينة
  4. وتكون معاكي سهلة التشكيل وهتعرفي انها مظبوطه اول ماتفصل من ايدك ومن الطبق
  5. هنشكل للبسكوت بالماكنه او بالكيس الحلواني في الصينية
  6. هنسويه في الفرن على درجة حرارة ١٦٠ وتخليه تأخذ وقته وتسويه نار هادية خالص يبرد خالص بعد التسويه
  7. ويحفظ في علبة محكومة الغلق وبالهنا
عجبتك الوصفة؟
شوف كل وصفاتنا في مكان واحد
كل الوصفات →