→ كل الوصفات
طريقة عمل بسكوت اليانسون بدون فرد ولا عجن سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 بيضات
- كيس فانيلا
- 2 معلقه صغيره بكنج بودر
- 2 ونصف كوب دقيق
- كوب إلا ربع زيت
- كوب إلا ربع سكر
- 3 معلقه كبيره يانسون
- معلقه كبيره خل
طريقة التحضير
- نضع البيض والسكر في وعاء عميق ونضربهم بالمضرب الكهربي ونضربهم ثم نضع الزيت والفانيلا والخل ونضرب كويس
- نوقف المضرب الكهربي ونضع الدقيق والبكنج بودر واليانسون ونضرب بالمضرب اليدوي لحد ما يكون عجين ثقيل (اثقل من عجين الكريب والكيك)
- ندهن الصنيه زيت كويس وتكون صنيه مربعه وندهن ايدينا بالزيت ونفرد العجين في الصنيه و بايدك المدهونه زيت تخلي العجين متساوي من فوق وأملس
- ندخل العجين الفرن علي حراره ١٨٠ لحد مايستوي تقريبا من ثلث إلي نصف ساعه مثل الكيك ولما يخرج تسبيه يبرد وتبدأي تقطعيه قطع مثل الفايش وترصيه في الصنيه وتدخليها الفرن علي نار عاليه ياخد لون ثم تقلبيه علي الناحيه التانيه ياخد لون
- ولما يبرد تاكليه وبالف هنا طعمه يجنن مع كوب شاي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد