→ كل الوصفات
طريقة عمل بسكوت ال١٠ دقائق سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 بيضه
- معلقه فانيليا
- كوب الا ربع سكر
- معلقه بيكنج باودر
- كوب الا ربع زيت
- 2 كوب دقيق
- 1/2 كوب نشا
- رشه صغيرة ملح
طريقة التحضير
- ف الخلاط هنحط البيض والسكر والفانيليا ونضربهم. كويس وبعدين نضيف الزيت ونضربهم كويس لحد م السكر يدوب خالص
- ننخل الدقيق ف بوله ونحط عليه النشا ورشه الملح ونلقيهم وبعدين نحط عليهم المكونات السائلة وبعدين نلم العجين مش نعجن عشان البسكوت مش بيتعجن وممكن اضافه دقيق لو احتاج انا استخدمت كوبين دقيق وشويه عشان الدقيق بيختلف ف امتصاص السوائل وفيه منه انواع
- قوام العجين بيكون طري خالص ومفهوش اي تشققات وسهل التشكيل
- هنكورهم كور صغيرة حجم الليمونه عشان بيزيد ف الفرن ف صاج مدهون زيت واستخدمت غطا زجاجه للشكل ممكن استخدام أي شكل مفضل عندكم
- هندخلهم فرن سخن مسبقا علي الرف الاوسط هياخد حوالي 15دقيقة دقيقه بس ياخد لون خفيف من تحت وبعدين نشغل الشوايه لمدة دقيقه ياخد لون خفيف جدا ويبرد ويتحط ف علبه والف هنا
- حطيت شوكولاته علي نص البسكوته سيحت شوكولاته خام ف حمام بخار ماء وغمست البسكوته ف الشوكولاته وسبتها تبرد وبس كدا طعمه زي بسكوت ماري حلو جدا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد