→ كل الوصفات

بسكوت بالبرتقال

ملحوظة بالنسبة للسكر مقداره من 2 : 1/2 2 كوب مايزدش عن كده لو حاسه ان سمنه قليله ماتزوديش عن كوب ونص كل سنة وانتم طيبين البسكوت ده وصفة اساسية ف حلويات العيد هيعجبكم جدا بإذن الله ❤️

  • كيلو دقيق (مايعادل 7 : 8 اكواب دقيق)
  • 1/2 (2 كوب) + م ك سكر بودره(مايعادل320جرام) (وممكن تعملي 2 كوب)
  • 1/4 (1 كوب)+ م ك مليانه سمنه بارده بحراره تلاجه (مايعادل335جرام)
  • م ك بيكنج بودر (مايعادل 10 جرام)
  • 8 م ك حليب دافي (مايعادل 80 جرام)
  • م ك نشادر (مايعادل 10 جرام)
  • 4 بيضات بحرارة الغرفة
  • م ص فانيليا (مايعادل 7 جرام)
  • 1/2 (2 م ك) بودرة برتقال تانج (مايعادل 25 جرام)
  • م ك نكهة برتقال
  1. ع جنب هدمج النشادر مع حليب الدافي هتلاقي حصل فوران (ده دليل ان حليب دافي كويس ونشا نوعها كويس) هدمجهم لحد مانشادر تدوب واسيبهم يبردوا ع جنب
  2. في بولة احط الدقيق واخلطهم مع بيكنج بودر في بولة او ماكينه العجن احط سمنه البارده و عليها سكر بودره واخفقهم بالمضرب الكهربائي او حاطاها ف الماكينه بسرعه هادية لحد ماسكر يختفي
  3. وبعدين اعلي قوة الخفق لمده 10 دقايق اهم شيء كل شويه نوقف ونجيب اللي ع جوانب لتحت علشان يكون قوام كل سمنه كريمي (لو بتستخدمي ماكينه العجن غيري الattachement الشبكي بالكف) وتضيفي فانيليا وهنزل بالبيض بس بالتدريج يعني هتحطي بيضه وتخفقي لحد ماهي تختفي وتنزلي بالتانيه تخفقي لحد ماتختفي وهكذا
  4. وبعدين انزل بالتانج و نكهة برتقال ونضربهم مع بعض
  5. وبعدين انزل بالحليب بالنشادر بالتدريج لحد مايندمجوا مع بعض وانزل بعد كده بالدقيق المخلوط بالبيكنج بودر واخلطهم كويس مع بعض بسرعه هاديه لحد ماوصل لعجينه ناعمه اقدر اشكلها
  6. لميت العجينه وشيلتها في كيس ع طبق وحطيتها ف تلاجه نص ساعة (كلام ده ف الصيف من لو ف شتاء مش لازم تحطيها ف تلاجة)
  7. اجيب ماكينه واختار الشكل اللي انا احبه وابدأ ادخل العجينه واشكلها وارصصها في صينيه مدهونه بزيت خفيف وادخلها ف تلاجه تاني حوالي نص ساعة
  8. وادخلها فرن متسخن قبلها بربع ساعة ع درجه حراره 160° ع رف الاوسط من 15 : 20 دقيقه لازم تتابعي بسكوت لو حسيتي ان بسكوت محتاج لون من فوق افتح شوايه تاخد لون بسيط و هنسيبه يبرد خالص وبعدين نحركه من صينيه علشان مايتكسرش معانا وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →