→ كل الوصفات

بسكوت بالشوكولاته

المكونات كلها بدرجة حرارة المطبخ

  • 2 كوب دقيق
  • 0.25 كيلو سمن, بمعدل كوب بتاع الشاى مليانه, او زبدة
  • 0.5 كوب سكر بودرة. ويكون السكر منخول
  • واحدة بيضة
  • 2 معلقه كبيرة نشا
  • معلقة صغيرة بيكنج بودر
  • 0.5 معلقه صغيرة فانيلا
  • للتزيين
  • شوكولاتة, خام
  • مكسرات, انا ضيفت جوز
  1. في طبق غويط,هاتضيفي كل المكونات ماعدا الدقيق وتقلبي السمن مع السكر مع النشا مع الفانيليا و البيكنج بودر مع البيضة كويس جدا
  2. تضيفي الدقيق, هي اخدت مني كوبين ونصف حسب نوع الدقيق. وتقلبي الدقيق مع الخليط, لما تحسي انها بقت عجينة طرية سهلة التشكيل
  3. وناخد حته من العجين ونكورها وبالسكين نعملها زى الصورة ونخبزها, عشان نشوفها هاتفرش منى ولا تبقى كويسة. انا فرشت مني, بسيط زودت معلقتين دقيق وعجنتها وشكلتها
  4. ونشغل الفرن على درجة 150
  5. دخلتها الفرن استوت, اخدت ربع ساعه, بس يدوب تحمر من تحت. واتركيها تبرد خالص
  6. نيجي بقي نحضر الشوكولاته الخام, هانسيحها. هاتيجبى سلطنية فيها ماء مغلي وتحطى عليها طبق غويط اكبر منها وتضيفى الشوكولاته الخام,تكوني مكسراها عشان تسيح بسرعه وتقلبي. وارفعيها من على البخار بعد ماتسيح
  7. هاتجيبى كيس الحلواني وتحطى فيه الشوكولاته السايحة وتملي الفتحات اللي في البسكوت وتضيفي اى مكسرات عندك, انا ضيفت جوز هند لانه المتوفر عندي حاليا
  8. دخليها التلاجة عشان الشوكولاته تمسك واحفظيها في علبه. وان شاء الله تعجبكم
  9. لو عجبتكم شير, ميمى منتصر
عجبتك الوصفة؟
شوف كل وصفاتنا في مكان واحد
كل الوصفات →