→ كل الوصفات
طريقة عمل بسكوت جوز الهند 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 كوب دقيق
- كوب الا ربع سمن
- كوب جوز الهند
- كوب سكر
- فانيلا
- معلقتين صغيرين بيكنج بودر
- 3 بيضات
- 1/4 كوب لبن
طريقة التحضير
- في بوله غويطة هنضيف السكر وجوز الهند والسمن مع بعض والفانيليا هنقلبهم كويس
- هنضيف بيضتين واقلب الخليط حلو اوي وبعدين هنضيف البيضه التالته ونقلبهم كويس اوي
- هنزل بالدقيق والبيكنج بودر واقلب الخليط بالايد وننزل باللبن ونلم العجين كويس هتلاقيها سابت الجوانب
- واتخلعت من ايدينا كدا تبقي مظبوطه هتتشكل حسب الرغبه
- ممكن نفردها ونقطعها مربعات ونعمل فيها فتحات بالشوكة وممكن تتقطع دواير بالكوبايه او التشكيل زي ماتحبوا
- هنرصها في الصواني الفرن وندخلها فرن متسخن ع درجة حراره ١٨٠ ونخليه يستوي براحته فرن وشوايه
- هيطلع يبرد خالص ويحفظ في علبه محكمة الغلق وبالهنا 👌🤚
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد