→ كل الوصفات
بسكوت بالكاكاو والقهوة 🍫☕️.. ريحته وطعمه تحفة 😍😋..
المقادير
- 2 ونص كوب شوفان مطحون
- 1/2 كوب (زبدة بلدي+ زيت زيتون)
- 1/2 كوب عسل نحل🍯
- ملعقة كبيرة مليانة قهوة سادة
- ملعقة كبيرة مليانة كاكاو خام
- صفار 2 بيضة
- ملعقة صغيرة باكينج بودر
- رشة ملح
- رشة فانيليا
- 3 ملاعق كبيرة نشا (إختياري)
طريقة التحضير
- هنقلب الزبدة والزيت والعسل وصفار البيض بمضرب سلك لغاية ما الخليط يتجانس.هنضيف القهوة والكاكاو والنشا ونقلب
- هنضيف ٢ كوب فقط من دقيق الشوفان مع رشة الملح والباكينج بودر.. وهنقلب لغاية ما الشوفان يختلط بالمكونات السايلة..العجينة هتكون ملزقة جدا.. هبدأ أضيف ملعقة بملعقة.لغاية ما العجينة تكون فيها تلزيقة بسيطة و على ما ابدأ اشتغل الشوفان هيكون تشربها والتلزيقة هتختفي
- هشغل الفرن على ١٨٠ قبل ما نبدأ تشكيل البسكوت. باخد قطعة من العجين بحجم نص ملعقة صغيرة تقريبًا واعملها كورة صغيرة وافردها شوية وبملعقة أو ظهر سكينة صغيرة بعمل خط بسيط في النص وادخلها الفرن اللي مسخناه قبلها بربع ساعة على درجة 180لغاية ما تستوي وأول ما تطلع من الفرن بتكون طرية من جوا.. نسيبها ف الصينية عشر دقايق قبل ما احركها ولما تبرد بتنشف.. ولو خرجناه بدري وفضل طري لما برد.. ندخله الفرن تاني ١٠ دقايق ولما يبرد خالص هشيله في علبة مقفولة كويس
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد