→ كل الوصفات

بسكوت ڤانيليا سهل جداً

#بسكوت

  • معلقة صغيرة فانيليا سايلة او كيسين فاتيليا
  • ½ كوب زيت او زبدة او سمنة
  • كوبين دقيق
  • ½ كوب سكر ناااعم او سكر بودرة
  • معلقة كبيرة بيكنج باودر
  • بيضة واحدة
  • معلقة كبيرة كاكاو خام اختياري
  1. هنجيب بولة و نضع الفانيليا و البيضة و نضربهم بمضرب يدوي
  2. هنضيف السكر و نقلب بالمضرب حتي يدوب السكر
  3. هنضيف الزيت او الزبدة او السمنة و نقلب
  4. هنضيف البيكنج باودر و الدقيق
  5. خلي بالك العجينة تكون لينة و مبتمسكش في ايدك افضلي اعجني بايدك و علي حسب نوع الدقيق ممكن كوباية و نص او كوبايتين بس انا استخدمت دقيق الضحي احتجت كوبيتين
  6. بعد كده التشكيل ابدأي ولعي الفرن من تحت فقط علي حرارة ١٨٠
  7. ممكن نعمل كور صغيرة و نبطتتها او نستعمل قوالب الاشكال لعمل شكل وردة او قلب
  8. في صاج او صنية نحط ورقة زبدة
  9. في خطوة اختياري قبل وضع البسكوت في الصاج في ناس بتفضل تغمسه في سكر خشن عشان الطعم و الشكل
  10. هنرصهم في الصاج و نبعد مسافة صباعين بين كل بسكوتة و التانية عشان بيزيد بسبب البيكنج بودر
  11. هيحتاج من ١٠ دقايق ل ربع ساعة اول ما تلاقي البسكوتة من تحت احمرت طلعيه يبرد هتلاقيه طري شوية بسيطة من فوق عادي شوية هينشف
  12. متولعيش الفرن من فوق و متعليش الحرارة حتي لا يحترق و اتاكدي ان العجينة لينة و ليست سائلة عشان ميفرش و ياخد شكل كويس
  13. الكاكاو الخام عشان لو حد بيحب بسكوت شيكولاتة هنقسم الخليط جزء سادة و جزء عليه معلقة كاكاو و شوية سمنة بسيطة او زيت مقدار معلقة و نقلب كويس حتي تاخد العجينة لون الكاكاو و يتشكل و يتسوي عادي اختاري نوع كاكاو جيد عشان يديكي لون كويس و طعم حلو
  14. يقدم مع شاي او شاي بلبن و بالهنا 🌹
عجبتك الوصفة؟
شوف كل وصفاتنا في مكان واحد
كل الوصفات →