→ كل الوصفات
#حلويات_العيد 😍 طلع معايا بالحظ صراحةً بس عجبني انا عادةً بعمله بالزبده بس كانت الزبده قليله ف ضفت شويه سمنه و شويه زيت و اتظبط الحمدلله😂😎😋و شكلته بالشوكه لإن الحظر الكامل قام بالواجب و مجبتش حاجات أشكل بيها بس لن ايأس ابداااا😂😂😉❤️
المقادير
- 2 كوب دقيق
- ¼ كوب زيت
- 100 جرام زبده
- 4 ملاعق سمنه
- ملعقه صغيره ممسوحه فانيليا
- بيضه
- ½ ملعقه صغيرة بكينج باودر
- اقل من ربع كوب نشا
- كوب إلا ربع لبن بودر
- كوب إلا ربع سكر بودر
طريقة التحضير
- انا خلطت في البدايه الزبده مع البيضه مع ملعقتين سمنه مع الفانيليا و البكينج باودر لحد ما بقت كريمه كده
- ضيفت باقي المكونات الجافه و خلطهم مع بعض بس هتلاقيها لسه معملتش عجينه معاكي ضيفي الزيت و باقي السمنه و اعجني هتعمل معاكي عجينه تحسيها مرمله شويه يبقى تمام
- و بدأت اعملها كور صغيره و اشكلها بالشوكه عشان مكنتش جبت حاجه أشكل بيها و عندنا حظر كامل كمان ف الحمدلله اني عرفت اعمله😂😂❤️
- بس كده و حطيته ف الفرن على درجة حرارة ٢٠٠ بس خلي بالك بيستوي بسرعه و ممكن يتحمر من تحت و من فوق لأ لو الفرن عندك بيشتغل تحت لوحده ف ممكن تشغلي الشوايه نص دقيقه و يبقى تمام😍😍و بالهناااا على قلوبكم💞💖😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد