→ كل الوصفات
(اللهم إني أعوذ بك من زوال نعمتك وتحول عافيتك وفجأة نقمتك وجميع سخطك) #طبختها_بحب وصفتي أنهاردة من أحلى انواع البسكويت اللي ممكن تدوقوها وتجربوها.. وصفة اقتصادية وسهلة وسريعة ومميزة بنكهتها بفضل الله و روعتها في الشتا خصوصا عشان البرتقال.. جربوها بطريقتي يارب تعجبكم ❤️ ❤️
المقادير
- 500 جرام دقيق بسكويت
- 1/3 كوب نشا
- 3/4 كوب سكر سنترفيش (خشن) (عادي بس ناعم شوية)
- 3/4 كوب زيت
- 1/4 كوب سمنة
- 1 م ك خل
- 1 م ص بيكنج بودر
- بيضة بحرارة الغرفة
- 1/4 :1/3 كوب عصير برتقالة بلدي (حادق)
- 1 م ك بشر برتقال
- 1 م ك كاكاو خام مذاب في 2 ملعقة ك عصير برتقال
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
- ننخل الدقيق مع البيكنج بودر والنشا
- في الخلاط نخفق البيض و السكر والخل وعصير البرتقال والزيت الدافي والسمنة الدافي كويس جداً لحد ما نتأكد السكر داب ونضيف بشر البرتقال
- نضيف خليط الخلاط على الدقيق ونقلب ثم نقسم الخليط نصين و نغلف النص السادة ببلاستيك راب او نضعه في كيس ساندوتشات وندخلة الثلاجة ونضيف عالنص التاني خليط الكاكاو المذاب في عصير البرتقال ونقلب ومنعجنش ونغلفة وندخلة الثلاجة نص ساعة
- نخرجة من الثلاجة ونشكل بالمكبس او باي شكل نحبة و نرص في الصواني وتكون مدهونة زيت خفيف خالص وبعدين ندخلها الثلاجة تاني نص ساعة قبل دخولها الفرن
- نسخن الفرن على حرارة ١٧٠ وندخل الصواني بالترتيب بمعنى اللي خلصناها الأول واتشالت في الثلاجة هي اللي تدخل الأول وهكذا
- ملحوظة 🤓 ١- لازم اي بسكويت مبصوم (يكون فية بصمة) يتشال في الثلاجة قبل الخبز نص ساعة أو في الفريزر ربع ساعة عشان يحافظ على بصمتة ويدخل على الفرن مباشرة ٢- ممكن نعمل البسكويت دة بالزيت بس او بالسمنة بس او بالزبدة بس او خليط نص زيت ونص سمنة او نص زيت ونص زبدة وكل مرة هتلاقوا الطعم مختلف ولذيذ 😋 ٣- حرارة الفرن مهمة انها تكون مظبوطة على من ١٧٠ل ١٨٠ ومتزدش عن كدة.لو الفرن فية مروحة شغلوها لو ينفع يشتغل شواية وفرن سوا خلو الحرارة على ١٧٠ او ١٦٥ و شغلو الشواية على اهدي حاجة خالص هياخد لون مظبوط 😉
- لو الفرن بس اللي بيشتغل مجرد ما البسكويت ياخذ لون ذهبي نطفي و نشغل الشواية ياخذ لون من فوق
- أخيرا اللهم أغفر لجدتي وارحمها واسكنها فسيح جناتك يااارب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد