→ كل الوصفات
#الشيف_الذهبي #عيد_الاضحى احسن گمان من بره 😍😋 كل عام وانتم بخير
المقادير
- 500 جم دقيق ابيض منخول جميع الاستخدامات او الخاص بالبسكويت
- 200 جم زبدة
- 50 جم زيت ذرة
- 150 جم سكر بني او سكر ابيض بودرة عليه معلقة كبيرة عسل اسود
- 2 بيضه
- فانليا
- م ص بيكنج بودر
- رشه ملح
- رشه بيكنج صودا
- م ص ريحة موز وده اختياري
- شوكولاته
- شوكولاته
طريقة التحضير
- هنضرب الزبده كويس بعد كده ننزل بالزيت بعد كده ننزل بالسكر ونضرب لحد ما القوام يوصل للقوام الكريمي بعد كده ننزل بالبيضة والفانيليا ونضرب كويس جدا لحد ما البيضة تختفي تماما
- هنحط على الدقيق البيكنج بودر ورشه الملح ونحطه على الخليط السابق
- مجرد تقليب بسيط لحد ما الدقيق يختفي تماما تقليب مش عجن
- هنريح العجينه في الثلاجه لمده نصف ساعه بعد كده نبدا نشكلها دوائر وخلي سمكها رفيع ونبدا نخرمها علشان تكون شبه اللي بره بالضبط ونحطها على ورق الزبده في الصينيه وندخلها في فرن مسخن على حراره 150 لمده 12 دقيقه او 10 دقايق
- نخرجها من الفرن نخليها تهدا شويه نبدا نحشيها بالشوكولاته واغلفها بالشوكولاته وبس كده ونحطها في الثلاجه او الفريزر علشان تمسك لمده خمس دقائق بالكثير
- خليك معايا هنا في شويه الملاحظات اللي هتنجح لك الوصفه
- لازم لازم الزبده والبيضه تكون بحراره الغرفه وتنضرب كويس لحد ما قوامها كريمي
- سمك البسكويت يكون وسط لا رفيع اوي ولا تخينه لانها هتترڤع ف الفرن
- اعملي اختبار للبسكويت بتاعك عشان لو فرش منك تعاجليه بشويه دقيق
- العجپنة بعد العجن بتتركن ف التلاجه ترتاح
- الف صحة وعافية عليكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد