→ كل الوصفات
ريحة وطعم جناااان #تحدى_الحروف (حرف الباء) #مطبخ_بطوطة
المقادير
- كوب زبدة طرية فى درجة حرارة المطبخ
- كوب جبنة اسطنبولى مهروسة
- ¼ كوب زيت زيتون (أو أى نوع عندك)
- ملعقتين كبار حليب
- ملعقة صغيرة بيكنج بودر
- ملعقة صغيرة بابريكا
- ملعقة صغيرة سكر
- ملعقة صغيرة زعتر
- 3 أكواب ونصف دقيق (طحين) ويكون منخول
- لدهان الوجه
- بيضة
- ملعقة كبيرة حليب
- رشة نسكافيه
- لتزيين الوجه
- زعتر
- جبنة شيدر مبشورة
- سمسم
- حبة البركة
طريقة التحضير
- بالمضرب أو بإيديكى فى بولة عميقة ادعكى الزبدة كويس ثم ضيفى الجبنة الإسطنبولى واخلطيهم مع بعض كويس حتى ينعم الخليط
- ثم ضيفى الزيت وباقى التوابل ونقلب كويس
- ثم نضيف الدقيق بالتدريج لحد ما نلم العجينة ونضيف الحليب ونلم العجينة هتلاقيها بقت ناعمة ومتماسكة
- مفيش عجن فى الطريقة دى نخلط المكونات مع بعض وبس ثم نغطيها وندخلها التلاجة نص ساعة ترتاح
- وبعد كدا نطلعها نفردها على دقيق (طحين) بسمك نصف سم ونقطعها بالشكل اللى تحبيه
- ونرصها فى صينية مدهونة وندخل الصينية تانى التلاجة ربع ساعة
- بعد كدا ندهن وجهها بخليط الدهن وتزيين وجهها بسمسم أو زعتر أو جبنة شيدر مبشورة اى حاجة تنفع
- ثم ندخلها فرن ساخن متوسط الحرارة من تلت ساعة لنصف ساعة تقريباً
- ثم نتركها تبرد قبل التقديم وبألف هنا مع كوب شاى أو فنجان قهوه ولا نسكافيه يا سلام بألف هنا
- يا رب تكون نالت إعجابكم 😘😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد