→ كل الوصفات

بسكويت الخروف للأطفال في عيد الأضحى

كوكيز الخروف للأطفال 🐑🎈🍥هيفرحهم جداً واقولك على سر بيفرح الكبار كمان 😂 تعالوا شوفوا بسكوته طعمها جميل ودايبه لذيذة وبمكونات بسيطه في كل بيت🏡 #اتفضلوا_معانا_دعاء_الباز #عيد_الاضحى #حلويات_العيد٢٠٢٠ #الشيف_الذهبي

  • 1/2 كوب سمنه
  • 1/4 كوب زيت
  • 1/2 كوب سكر بودر
  • بيضه فانيلا
  • 2 كوب دقيق أو اكتر حسب العجينه ونوع الدقيق
  • 2 ملعقة كبيرة نشا
  • 1/2 ملعقه صغيره بيكنج بودر
  • 2 ملعقة صغيرة كاكاو خام
  1. نخلط السمنه َالسكر كويس بالضرب الكهربا أو اليدوي وبعدها نضيف الزيت ونخلط والبيضه فانيلا ونخلط ونقلب المواد الجافه سوا
  2. الدقيق والبيكنج بودر والنشا ونقسم الخليط السائل لقسمين في طبقين واحد نكمل المواد الجافه ويطلع عجينه بسكويت فانيلا ساده والتانيه نزود الكاكاو وتطلع عجينة بسكويت شوكولاته
  3. ونبدأ نشكل في الكوكيز زي الصوره بقطاع ورده لعمل شكل الجسم وقطاعه مدوره أو أي حاجه تقطع دائره الحجم ده لشكل الرأس الخروف والودان بقطع عجينه ملفوفه صغننه والرجلين كرتين والعيون كور صغيرة وتبطط بخفه على الوجه
  4. وندخل البسكويت الفرن متوسط الحراره ١٦٠ لغاية لون ذهبي فاتح اقولكم يا حبايبي 😍البسكويت حلو وعجب الكل وفضلوا يقولوا عملتيه ازاي طالع حلو الحمدلله مع اني عاوزه يطلع احلى بكتير 👍فرحوا حبايبك بأبسط الأشياء وتفرحوا معاهم 😍😍😍بالف هنا كل عام وانتم بخير 🐑😍🍀🏡دمتم في أمان الله
عجبتك الوصفة؟
شوف كل وصفاتنا في مكان واحد
كل الوصفات →