→ كل الوصفات

بسكويت الخلاط اللذيذ 💓😋

#الشيف_الذهبي #الكبير_اوي بسكويت الخلاط 😄 من أسهل انواع البسكويت اللي ممكن تعملية سهل جداً و لذيذ 😋 مقرمش وأقتصادي وسهل التشكيل ومحبب للأطفال جداً والكبار كمان بجانب كوب الشاي بلبن او النسكافيه 😋😋 جربوة هيعجبكم اوي بأمر الله ❤️

  • 1/2 كيلو دقيق بسكويت منخول
  • 3/4 كوب سكر
  • 1/2 كوب زيت دافي
  • 1/2 كوب سمنة دافي
  • بيضة بحرارة الغرفة
  • م ك خل
  • م ص بيكنج بودر
  • 1/4 كوب نشا
  • 1/4 كوب لبن دافي
  • فانيلا او بشر برتقال او قشر برتقال مجفف
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️
  2. في الخلاط نضع البيضة و السكر و اللبن والزيت والسمنة والخل ونضرب كويس جداً عشان نضمن ان السكر داب ثم نضيف قشر البرتقال او مجفف البرتقال ونضرب
  3. في بولة ننخل الدقيق مع النشا و البيكنج
  4. نضيف السوائل اللي في الخلاط على بولة الدقيق و نلم العجينة بدون عجن و نتركها ١٠ دقائق ترتاح بس ثم نبدأ الشغل فيها
  5. نفردها و نقطعها بالقطاعة او نضعها في الكيس الحلوانى ونشكلها اصابع طويلة زي بسكويت العيد والتشكيل زي ما تحبي 😉
  6. نسخن الفرن على ١٧٠ و ندخل البسكويت لحد ما ياخذ لون ويقرمش لو احتاج لون من الوجه نشغل الشواية ياخذ لون ذهبي 😋
  7. ملحوظة 🤓 ١-ممكن يتعمل بكوب زيت فقط أو زيت وسمنة او زيت وذبدة وكل واحد فيهم لية طعم وقوام مختلف.. ٢- بحب الزيت مع السمنة عشان يبقى مقرمش وهش اكتر.. ممكن نقسم الخليط نصين ونشيل ملعقة او اتنين دقيق ونضيف ملعقة او ٢ كاكاو و تعملي النوعين.. ٣- السكر كدة مظبوط جداً ممكن يزيد و ممكن ينقص حسب الرغبة.. ٤ -لو لقيتي العجينة البصمة مبتطلعش فيها كويس حطيها في الثلاجة شوية عشان البصمة تبان ٥- ممكن نضيف بدل اللبن عصير برتقال ويبقى بالبرتقال 😋.. ٦-النشا مهم جداً في اي بسكويت لانة بيساعدة يكون هش اكتر وناعم
  8. أخيرا اللهم أغفر لجدتي وارحمها واسكنها فسيح جناتك وارزقها نعيما لا ينفذ واعفو عنها يا أرحم الراحمين ❤️❤️
عجبتك الوصفة؟
شوف كل وصفاتنا في مكان واحد
كل الوصفات →