→ كل الوصفات

بسكويت الذبدة في عشر دقائق 😋❤️

طريقة سهلة وبسيطة لعمل بسكويت الذبدة بدون ماكينة وبدون كيس حلواني، بمكونات سهلة وبسيطة هتعملي أحلى بسكويت🤩😍

  • 1 ونصف كوب دقيق
  • 1/2 كوب ذبدة مذابة
  • 1/4 كوب سكر بودرة
  • 1 بيضة
  • 1/2 ملعقة صغيرة بيكنج بودر
  • 1 كيس فانيلا
  • كمية من السكر البودرة للتزيين
  1. أولاً جيبي طبق غويط وحوطي فية السكر البودرة والبيضة والفانيلا وأخلطيهم مع بعض كويس بمضرب سلك يدوي بعد كدة ضيفي الذبدة وقلبيهم مع بعض مرة تانية😍
  2. ضيفي بعد كدة الدقيق والبيكنج بودر وانخلي الدقيق عشان البسكويت يكون هش ومقرمش معاكي وبعد كدة قلبيهم مع بعض وبعد كدة لمي العجينة بإيدك😍
  3. كوري العجينة كور صغيره بحجم الليمونه الصغيرة وبعد كدة شكليها بالسكينة خطوط بالطول وبالعرض وحوطي البسكويت بعد كدة في صينية مدهونة بالزيت أو تحوطي فيها ورق ذبدة وبعد كدة دخلي الصينية الفرن على درجة 180 لمدة 20 دقيقه تقريباً ولما يستوي خرجية من الفرن وسيبية يبرد 😍
  4. قدمي البسكويت بعد كدة في طبق التقديم ورشي علية سكر بودرة وقدمية مع كوبايه شاي حلوة☕ او نسكافية بجد لذيذ جداً😋 جربيه أكيد هيعجبك😍♥️🤗🌹
  5. ملحوظة : ممكن تستبدلي الذبدة بالزيت أو تحوطي 1/4 زيت و1/4 ذبدة براحتك بس طبعاً الذبدة بتدي طعم حلو أوي للبسكويت مقارنةً بالزيت بس عادي الوصفه هتنجح معاكي في كل الأحوال 😍
  6. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →