→ كل الوصفات
بسكويت شوكولاتة سهل وبسيط في التحضير من غير ذبدة ولا سمنة🤩 جربية بجد حلو أوي 👌🏻😍
المقادير
- 1 ونصف كوب دقيق
- 1 بيضة
- 1/2 كوب سكر بودرة
- 1/2 كوب زيت ذرة
- 2 ملعقة كبيرة كاكاو خام
- 1 ملعقة صغيرة بيكنج بودر
- 1 ملعقة صغيرة فانيليا سائلة
- كمية من شوكولاتة نوتيلا لحشوة البسكويت
- 1/2 كوب سكر لتغطية البسكويت
طريقة التحضير
- أولاً جيبي طبق غويط وحوطي فية البيضة والسكر والفانيليا وأخلطيهم مع بعض كويس بمضرب سلك يدوي 😍
- ضيفي بعد كدة الزيت وقلبيهم مع بعض مرة تانية وضيفي بعد كدة الدقيق والبيكنج بودر والكاكاو الخام وقلبيهم مع بعض كويس بس أنخلي الدقيق والبيكنج بودر والكاكاو عشان البسكويت يكون هش وخفيف معاكي وبعد كدة لمي العجينة بإيدك لحد لما تتكون معاكي عجينة متماسكة وملساء ممكن تشكيلها بإيدك😍
- كوري العجينة كور صغيرة بحجم الليمونة وحوطيها بعد كدة في السكر غلفيها كلها بالسكر وبعد كدة حوطيها في صينية مدهونه بالزيت وكملي كل كمية العجين بالشكل ده 😍
- إعملي فتحة في كل قطعة بسكويت في المنتصف بأي أداة مناسبة عندك وبعد كدة دخلي الصينية الفرن على درجة حرارة 180 لمدة 20 دقيقة تقريباً ولما يستوي خرجيه من الفرن وسيبيه يبرد 😍
- حوطي بئا شوكولاتة نوتيلا في كل فتحة وقدمية بعد كدة مع فنجان قهوة أو شاي ☕أو نسكافية بجد حلو جداً👌🏻 جربية أكيد هيعجبك وبالعافية عليكي حبيبتي 😘❤️🌷
- 😋😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد