→ كل الوصفات
بسكويت سهل وسريع وبسيط في التشكيل وفي التحضير كمان وحشوة النوتيلا مع البسكويت بجد روعة😋👌🏻 جربيه بنفسك وشوفي الجمال واللذاذة 🤩❤️ #مريولي_باسمي #العلاج_بالطبخ #العلاج_بالخبز #الطبخ_مؤنس_الوحدة
المقادير
- 1 ونصف كوب دقيق
- 1 بيضة
- 1/2 كوب زيت ذرة
- 2 ملعقة كبيرة كاكاو خام
- 1/2 كوب سكر بودرة
- 1/2 ملعقة صغيرة بيكنج بودر
- 1 كيس فانيليا
- كمية من السكر لتغليف البسكويت
- كمية من شوكولاتة نوتيلا
طريقة التحضير
- أولاً جيبي طبق عميق وحوطي فية السكر البودرة والبيضة والزيت والفانيليا وأخلطي كل المكونات مع بعض كويس جداً بمضرب سلك يدوي وممكن تستبدلي الزيت بالزبدة المذابة حسب رغبتك😍
- ضيفي بعد كدة الكاكاو والدقيق والبيكنج بودر وقلبي كل المكونات مع بعض لحد لما تتكون معاكي عجينة ملساء😍
- شكل عجينة البسكويت على شكل كرات صغيرة متساوية في الحجم وبعد كدة حوطي الكرات في السكر العادي وغلفي كل كرات البسكويت وبعد كدة حوطي كل الكرات في صينية مدهونة بالزيت😍
- اعملي فتحه في كل الكرات في المنتصف بأي أداة مناسبة ودخلي الصينية الفرن على درجة حرارة 180 لمدة 20 دقيقه تقريباً ولما يستوي خرجية من الفرن وسيبية يبرد 😍
- جيبى شوكولاتة نوتيلا ووزعيها في كل فتحة من البسكويت وحوطي البسكويت في أطباق التقديم وقدمية لأفراد أسرتك ومتنسيش نفسك بواحدة أو اتنين أو تلاته 🤩
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد