→ كل الوصفات
بسكويت العشر دقائق من أسهل وألذ😋 أنواع البسكويت ممكن تعملية بزيت، أو زبدة، أو سمنة المتوفر عندك سهل وسريع في التحضير وبمكونات بسيطة جداً 👌🏻جربيه أكيد هيعجبك 😍✌️
المقادير
- 1 ونصف كوب دقيق
- 1/2 كوب زبدة مذابة
- 1/2 كوب سكر بودرة
- 1 بيضة
- 1 ملعقة صغيره بيكنج بودر
- 1 ملعقة صغيره فانيلا سائلة
- 1 ملعقة كبيرة كاكاو خام
- 1/2 كوب سكر لتغليف البسكويت
طريقة التحضير
- جيبي طبق غويط وحطي فيه السكر البودرة والبيضة والفانيلا وأخلطيهم مع بعض كويس جداً بمضرب سلك يدوي بعد كدة ضيفي الزبدة وقلبيهم مع بعض كويس 😍
- ضيفي بعد كدة الدقيق والبيكنج بودر والكاكاو وقلبيهم مع بعض كويس لحد لما تتكون معاكي عجينة ملساء ممكن تشكيلها بإيدك 😍
- جيبي صينية الخبز وادهني الصينية بالزيت واعملي كرات صغيرة من العجينة وبعد كدة حوطي الكرات في السكر وشكلي البسكويت بالشكل المفضل عندك ممكن تعملي خطوط بالسكينة او تستخدمي قطاعة البطاطس اللي على شكل زجزاج براحتك المتوفر عندك 😍
- حطي كل كرات البسكويت بعد كدة في الصينية ودخلي الصينية الفرن على درجة حرارة 180 لمدة 20 دقيقه تقريباً ولما يستوي خرجيه من الفرن وسيبيه يبرد خالص 😍
- قدمي البسكويت بعد كدة مع كوب شاي حلوة او نسكافيه ☕ بجد لذيذ😋 جداً لازم تجربيه وصفة تستحق التجربة 🤩😃
- 😋😋😋😋😋😋
- ✌️😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد