→ كل الوصفات

بسكويت العشر دقائق بالمربى وجوز الهند 😋❤️

بسكويت العشر دقائق من أنواع البسكويت اللذيذة😋 والسهلة جداً في التحضير وأنا زينت البسكويت بالمربى وجوز الهند ممكن تزينيه او تسيبيه سادة من غير تزيين هو حلو في كل الحالات لو نفسك في حاجة حلوة سريعة جربي بسكويت العشر دقائق بجد حلو أوي جربيه أكيد هيعجبك 👌🏻😍

  • 1 بيضة
  • 1/2 كوب سكر بودرة
  • 1/2 كوب زيت ذرة
  • 1 ونصف كوب دقيق
  • 1 ملعقة صغيرة فانيليا سائلة
  • 1 ملعقة صغيرة بيكنج بودر
  • كمية من جوز الهند
  • كمية من مربى الفراولة
  1. أولاً جيبي طبق غويط وحوطي فية البيضة والسكر البودرة والفانيليا وقلبيهم مع بعض كويس بمضرب سلك يدوي 😍
  2. ضيفي بعد كدة الزيت وقلبيهم مع بعض مرة تانية ضيفي بعد كدة الدقيق والبيكنج بودر وقلبيهم مع بعض وبعد كدة لمي العجينة بإيدك لحد لما تتكون معاكي عجينة ملساء ممكن تشكيلها بإيدك وياريت أنخلي الدقيق عشان البسكويت يكون هش وخفيف معاكي😍
  3. كوري العجينة كور صغيرة بحجم الليمونة وحوطيها بعد كدة في صينية مدهونة بالزيت وكملي كل كمية العجين بالشكل ده وبعد كدة شكلي العجين بأي شكل ممكن بالشوكة او بالسكينة تعملي خطوط او تسيبيها من غير تشكيل انا شكلتها بقطاعة البطاطس شوفي إنتي هتشكلية إزاي😍
  4. دخلي الصينية الفرن بعد كدة على درجة حرارة 180 لمدة 20 دقيقة تقريباً ولما يستوي خرجيه من الفرن وسيبيه يبرد 😍
  5. زيني البسكويت بعد كدة بالمربى وجوز الهند وقدمية بعد كدة بجد حلو جداً وسهل أوي في التحضير جربيه أكيد هيعجبك وبالعافية عليكي حبيبتي 😘❤️🌹
  6. 😍😍😍😍😍😋
  7. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →