→ كل الوصفات
بسكويت العشر دقائق من أسهل وألذ😋 أنواع البسكويت سهل جداً في التحضير ومكوناته متوفره في مطبخك😎 جربي بسكويت العشر دقائق بالمربى مش هتبطلي تعملية 🤩✌️ #المريول_الذهبي
المقادير
- 1 ونصف كوب دقيق
- 1/2 كوب زيت ذرة
- 1/2 كوب سكر بودرة
- 1 بيضة
- 1 كيس فانيلا
- 1 ملعقة صغيره بيكنج بودر
- كمية من المربى
طريقة التحضير
- أولاً جيبي طبق عميق وحوطي فية الزيت والسكر وقلبيهم مع بعض بمضرب سلك يدوي وبعد كدة ضيفي البيضة والفانيلا وقلبيهم مع بعض تاني بمضرب السلك اليدوي😍
- ضيفي بعد كدة الدقيق والبيكنج بودر وقلبيهم مع بعض كويس لحد لما تتكون معاكي عجينة ملساء ممكن تشكليها بإيدك😍
- شكلي العجينة بعد كدة كرات صغيرة متساوية في الحجم وحوطي كل الكرات في صينية مدهونة بالزيت واعملي في كل كرة فتحة في المنتصف وبعد كدة دخلي الصينية الفرن على درجة حرارة 180 لمدة 20 دقيقه تقريباً ولما يستوي خرجية من الفرن وسيبية يبرد 😍
- بعد لما يبرد حوطي في كل فتحة مربى الفراولة أو مربى المشمش أو أي نوع مربى بتحبية وقدمية بعد كدة مع كوباية شاي☕ حلوة او نسكافيه أو قهوة بجد حلو أوي😋😋 وممكن تستبدلي الزيت بالسمنة او الزبدة وممكن تحوطي زيت وزبدة زي ما تحبي انا عملته بزيت وكان حلو حسب ذوقك ورغبتك جربيه أكيد هيعجبك 😘❤️
- 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد