→ كل الوصفات

بسكويت العيد اقتصادي جدااا

#حلويات_العيد

  • كيلو دقيق فاخر
  • 2 كوب زيت ذره
  • كوب ونصف سكر بودرة
  • 2 بيضه
  • ½ كوب لبن حليب دافئ
  • ¼ كوب نشا
  • باكيت بيكنج بودر
  • ملعقه كبيره فانيليا
  • ملعقه كبيره خل
  • رشه ملح
  1. أول خطوه لاذم ننخل الدقيق كويس
  2. وبعدين نضيف على الدقيق النشا والبيكنج بودر ورشه الملح ونقلبهم
  3. الخطوه الثانيه نجيب الخلاط نحط فيه اللبن والزيت والبيض والخل والفانيليا والسكر ونضربهم مع بعض كويس
  4. ونضيفهم بقي على الدقيق ونخلطهم مع بعض ولاذم نخلي بالنا ان البسكويت مش بيتعحن نلم العجينه بس
  5. العجينه هتلم معانا ولاذم نلتزم بالمقادير ممكن نشكل بقي بمكنه البسكويت او القمع زي ما تحبي انا استخدمت مكنه البسكويت حبيت أشكل لاولادي
  6. ندخله الفرن على حرارة ١٧٠ ولاذم نتابعه كويس عشان مش بيأخد وقت طلع طعمه تحفه وعجبهم الحمد لله
  7. نصائح مهمة البسكويت الناجح نوع سكر البودرة يكون كويس والدقيق فاخر للبسكوتيات نعمله في جو هواء مش حر شغلي مروحه او تكييف وكل المكونات بدرجه حراره المطبخ الصينيه اللي هنسوي فيها تكون ثقيله اوعي لما يخرج من الفرن تحركي البسكويت لحد ما يبرد عشان ميتكسرش وكل عام وانتم بخير
عجبتك الوصفة؟
شوف كل وصفاتنا في مكان واحد
كل الوصفات →