→ كل الوصفات

بسكويت العيد بالشوكولاته ع طريقتي

#حلويات_العيد طعمه جبار 😌٠لعشاق الشوكلت

  • 150 جرام زبده بحراره الثلاجه
  • 100 جرام سمنه بحراره الثلاجه
  • 200 جرام سكر بودره منخول
  • 2 بيضه +صفار بيضه
  • معلقه كبيره فانيليا سائله غامقه
  • معلقه كبيره لبن بودره
  • 50 جرام نشا مقدار ثلاث معالق كبار
  • 20 جرام كريم شانتيه خام بمقدار معلقه كبيره اختياري
  • معلقه كبيره بيكنج بودر
  • 150 جرام كاكاو خام او على حسب الرغبه
  • 400 جرام من الدقيق الابيض الفاخر او الدقيق المخصص للكحك والبسكوت
  • 1/2 كوب او ع حسب الاحتياج صوص شوكلت أو لبن دافي
  • شوكلت ابيض سايحه
  • شوكليت غامقه سايحه
  • أو أي نوع من التشوكلت
  • الوان طعام لتلوين الشوكلت حسب الرغبة
  • جليتر صحي
  1. اول حاجه بنضرب الزبده مع السمنه كويس بعد كده بنحط السكر البودره المنخول ونضرب كويس جدا لمده خمس دقائق لحد ما نوصل للقوام الكريمي الهاش بعد كده نحط ع الخليط ده بيضه ونضرب كويس ونحط البيضه الثانيه ونضرب كويس ونحط الصفار والفانيليا ونضرب كويس
  2. ف طبق تاني بنضيف المواد الجافه على بعض ونخلطهم كويس
  3. بنضيف الخلطين على بعض ونقلب كويس لحد ما يختفي الدقيق ويندمج كويس مع خليط الزبده
  4. لوالعجينة احتاجت نزود سائل هنحط لبن او شوكلاته سايحه
  5. نبدأ نحطها في الكيس الحلواني أو القمع ونشكلها وعادي جدا لو بدأتي ف التشكيل من غير ما ترتاح
  6. قوام العجينه لينه لو حابه تعملي بماكنه البسكويت بتزودي دقيق مع كاكاو حاولي نص كوب مش اكتر
  7. بتعملي اختبار للعجينه قبل ما تشكليها كلها بتشكلي واحده ولا اتنين ودخليهم الفرن لو فرشت هتزودي معلقتين دقيق
  8. سمك العجينه ف التشكيل هو اللي بيحدد سمك البسكويت بعد التسويه
  9. بلاش تزودي ف العجن نهائي يدوب كله يندمج مع بعض وتبئا العجينة زاي الفل
  10. بيدخل ف فرن حرارة١٨٠ ويكون الفرن مسخن ربع ساعة بالگتير مش پياخد وقت
  11. بعد ما بيطلع ويبرد تماما ابدأ اغطيه بالشوكلت. واحطه ف التلاجه تجمد الشوكولاته أو ف الفريزر
عجبتك الوصفة؟
شوف كل وصفاتنا في مكان واحد
كل الوصفات →