→ كل الوصفات

بسكويت القهوة ☕🖤

كل عشااق القهوة هيحبوهاا جدااا

  • 2 كوب وربع دقيق
  • 1/2 كوب سمنه او زبده
  • 1/2 كوب زيت
  • 1/2 كوب سكر بودر
  • 1/4 كوب نشا
  • 2 معلقة ونص كاكاو خام
  • معلقة نسكافية
  • صفار بيضه
  1. ف بوله هنضيف السمنه والزيت والسكر ونخلطهم بالمضرب الكهربائى كويس جدا
  2. وبعدين هنضيف صفار البيضه ونقلب تانى
  3. هنحط معلقة النسكافيه ف طبق أو كوبايه صغيرة وعليها معلقه مايه سخنه وهندوبها وكويس ونسيبها تبرد خاالص ونضيفها ع الخليط بس لازم تبرد عشان الخليط فيه بيض
  4. وبعدين هننخل الدقيق بالنشا والكاكاو ع الخليط ونقلبهم كويس
  5. لو حسينا أن العجينه ناشفه وعامله زى الرمل نزود معلقه سمنه لازم العجينه تكون ناعمه ومش مشققه وبرضه مش سايحه
  6. وبمعلقه صغيره وبدا ناخد م العجينه ونعمل كور صغيره وبعدين نعمل الكور ع شكل اسطوانى كأننا هنعمل كفته كده😂 بقول بمعلقه عشان يطلع الحجم واحد
  7. وهنرصهم ف صينيه مدهونه زيت او نرص ع ورق زبده وبخله اسنان أو بأى حاجة رفيعه وهنعمل فتحه بسيطه بالطول عشان تدينا نفس الشكل كده
  8. وهندخلها التلاجه لمده نص ساعة وهنطلعها م التلاجه ندخلها فرن متسخن ع درجه حراره 180 لمده ربع ساعه
  9. ولما نطلعها منلمسهاش خاااالص لانه عامل زى الغريبه هيتفتفت نسيبه لحد اما يبرد خااالص وبعدين نطلعه ونقدمه جنب المشروبات الساخنه وبالف هناا ❤️
عجبتك الوصفة؟
شوف كل وصفاتنا في مكان واحد
كل الوصفات →