→ كل الوصفات

بسكويت القهوة

لسة طالع من الفرن حالا يلا اتفضلوا معانا حبيباتي 😍😍😍

  • كوب و3 ملاعق كبيرة دقيق
  • 1/2 كوب زبدة او سمنه
  • كوب الا ربع سكر باودر
  • بيضة
  • 4 ملاعق كبار نشا
  • معلقتين كبار كاكاو خام
  • معلقتين نسكافيه او قهوة
  • معلقة ونصف لبن
  1. نحط السكر والسمنة علي بعض ونضربهم كويس بمضرب كهربي او مضرب سلك لحد ما يختلطوا ويبقوا كريمي
  2. نضرب البيضة ونحطها علي السمنه وندوب القهوة في اللبن ونحطها عليهم ونقلبهم كويس
  3. نحط الدقيق في بوله وعليه النشا والكاكاو ونقلبهم مع بعض وننزل بيهم علي السمنة ونقلبهم كويس لحد ما يختلطوا تقليب مش عجن ونسيبها في الثلاجة ربع ساعة
  4. ناخد من العجينة حته نعملها كور صغيرة ونشكلها شكل بيضاوي ونحطها في صينية عليها ورق زبدة او مدهونة زبدة ونشقها بالسكينه وهكذا في باقي العجينة
  5. نحطها في الثلاجة ترتاح نصف ساعة (بس الصراحة انا كنت مستعجلة فمدخلتهاش الثلاجة) نشغل الفرن يسخن ربع ساعة ونحط الصواني في الرف اللي في النص واول ما تحمر من تحت نخرجها بس منلمسهاش لانها حتبقي طرية لما نسيبها في الهوا حتنشف ويكون طعمها تحفة ومخرفشه وبالف هنا يا رب
عجبتك الوصفة؟
شوف كل وصفاتنا في مكان واحد
كل الوصفات →