→ كل الوصفات
#اطبخ_مع_جوجا
المقادير
- 2 كوب وربع دقيق
- 1/2 كوب زيت
- 1/4 كوب نشا
- 1/2 كوب سمنه او زبده
- 1/2 كوب سكر بودر
- 2 معلقة ونص كاكاو خام
- معلقة نسكافية
طريقة التحضير
- ف بوله هنضيف السمنه والزيت والسكر ونخلطهم بالمضرب الكهربائى كويس جدا
- وبعدين هنضيف صفار البيضه ونقلب تانى
- هنحط معلقة النسكافيه ف طبق أو كوبايه صغيرة وعليها معلقه مايه سخنه وهندوبها وكويس ونسيبها تبرد خاالص ونضيفها ع الخليط بس لازم تبرد عشان الخليط فيه بيض
- وبعدين هننخل الدقيق بالنشا والكاكاو ع الخليط ونقلبهم كويس
- لو حسينا أن العجينه ناشفه وعامله زى الرمل نزود معلقه سمنه لازم العجينه تكون ناعمه ومش مشققه وبرضه مش سايحه
- وبمعلقه صغيره وبدا ناخد م العجينه ونعمل كور صغيره وبعدين نعمل الكور ع شكل اسطوانى كأننا هنعمل كفته كده😂 بقول بمعلقه عشان يطلع الحجم واحد
- وهنرصهم ف صينيه مدهونه زيت او نرص ع ورق زبده وبخله اسنان أو بأى حاجة رفيعه وهنعمل فتحه بسيطه بالطول عشان تدينا نفس الشكل كده
- وهندخلها التلاجه لمده نص ساعة وهنطلعها م التلاجه ندخلها فرن متسخن ع درجه حراره 180 لمده ربع ساعه
- ولما نطلعها منلمسهاش خاااالص لانه عامل زى الغريبه هيتفتفت نسيبه لحد اما يبرد خااالص وبعدين نطلعه ونقدمه جنب المشروبات الساخنه وبالف هناا ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد