→ كل الوصفات

بسكويت اللانكشير

بسكويت اللانكشير الهش بمقادير مظبوطة جدا

  • 300 جرام دقيق
  • 300 جرام نشا
  • 300 جرام زبدة بدرجة حرارة الغرفة
  • 250 جرام سكر بودر
  • صفار بيضتين
  • معلقة صغيرة بيكنج بودر
  • فانيليا
  1. اضربي الزبدة كويس بالمضرب لحد ما يبقا لونها ابيض وانزلي عليها بالسكر البودر والبيض والفانيليا واضربي كويس لحد مايبقا الخليط كريمي بعدين اخلطي الدقيق والنشا والبيكنج بودر وانزلي ع الخليط واحدة واحدة واعجني بايدك لحد ما تتشكل معاكي عجينة متلزقش ف الايد
  2. وشكليها زي ما تحبي انا عملتها كور صغيرة وف صنية رصيتهم وبينهم مسافة عشان بيفرش واداني نتيجة زي الصور وفي فرن 180 درجة اخبزيه وتابعيه لانه بياخد وقت بسيط حطيت مابين كل اتنين مربى فراولةو زينته بجوز الهند وصحة وهنا ع قلوبكو
  3. ملحوظة : ممكن تضيفي معلقة كاكاو خام للخليط لو حابه وممكن تحشيه باي حاجة تحبيها لكن المربى بتخليه هش وطري وطمعه تحفة
عجبتك الوصفة؟
شوف كل وصفاتنا في مكان واحد
كل الوصفات →