→ كل الوصفات

بسكويت النشادر والبرتقال الفاخر 😋

بسكويت النشادر والبرتقال من بسكويت التراث المصري في العيد بتاعنا ودة افضل نوع بنسأسأ بية في الشاي بلبن الصبح يوم العيد وناكلة جنب الشاي بعد الغدا 😂 دة اساسي في تراثنا كمصرين.. الوصفة دي سهلة وتحفة ممتازة بفضل الله مظبوطة بالملي ودي بفضل الله لا بتفرش ولابتبوظ في التشكيل والنوع دة بسكوت ماكينة او كيس حلواني بقمع البيتفور عشان نحصل على شكل الصوابع 😋 جربوها بطريقتي يارب تعجبكم ❤️

  • كيلو دقيق فاخر او كل الاستعمالات إلا نص كوباية
  • 1/2 كوب نشا
  • 345 سمنة على ذبدة او سمنة بس او ذبدة (200 جرام سمنة و 145 ذبدة)
  • 320 سكر بودرة جاهز منخول
  • 80 جرام لبن دافي
  • 10 جرام بيكنج بودر
  • 10 جرام نشادر
  • 4 حبات بيض بحرارة المطبخ
  • 1 م ص فانليا
  • 25 جرام بودرة برتقان تانج الجاهز
  • 3 م ص بشر برتقال مجفف او فريش او ا م ك اسانس برتقال
  1. بسم الله اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين ❤️ 👈 ننخل الدقيق مع البيكنج بودر وذرة ملح والنشا 👈في العجان او المضرب الكهربي نخفق السمنة وتكون باردة جيدا الأول وتبقى كريمي ثم نضيف ليها السكر البودر ونستمر في الخفق لحد ما تبقى زي الكريم شانتية ولونها فاتح وكريمي
  2. 👈نضيف بيضة بيضة بالتدريج ولازم كل بيضة تختفي تمتزج الأول كويس ولازم تكون بحرارة الغرفة عشان متخرزش مني والذبدة او السمنة تفصل 👈 نضيف بودرة التانج ونستمر في الخفق وبعدين نضيف بشر البرتقال 👈 نقلب النشادر في اللبن الدافي وهنلاحظ فوران ننزل بية على الخليط السابق مع استمرار الخفق لحد ما القوام يظبط تماما
  3. نضيف خليط الدقيق بالتدريج ونستمر في الخفق ومجرد ما يلم معايا ويبقى عجينة ناعمة نوقف خفق او عجن عشان متنشفش وتعضم مني ✋ 👈 نقسم العجينة أجزاء على اد التشكيل ونغلف الباقي بسترتش او كيس نايلون ونحطة في التلاجة 👈 نشغل الفرن على ١٧٠ رف أوسط ولو في مروحة نشغلها و نبدأ التشكيل
  4. ناخد جزء ونحطة في كيس حلواني وبقمع البيتفور هنعمل شكل الأصابع دي 👇 ونراعي المسافات لانة حجمة بيتضاعف في الفرن والنوع دة ندخلة على ١٦٠ وبياخد حوالي ٢٠ل ٢٥ عشان دقيقة عشان يستوي ويقرمش ويبقى هش من جوة
  5. النوع التاني الأفضل لية في التشكيل ماكينة البسكويت المتعارف عليها او نفردها على مفرش سليكون وبالنشابة ونعمل خطوط بالشوكة زي ما عملت ونبدأ نقطعة و نرصة في الصواني ونراعي المسافات بردو لان حجمة بيزيد وهندخلة على ١٧٠ او ١٨٠ حسب حرارة الفرن بياخد حوالي ١٥ دقيقة ولو مخدتش لون من فوق نشغل الشواية عشان ياخد لون ونراقبة
  6. طريقة الحفظ 👈 في علبة صاج ودي افضل حاجة او في علبة بلاستيك ونرص البسكويت ونغطيهم بكيس بلاستيك بين طبقات البسكويت عشان نحافظ علية وميطراش
  7. ملحوظة 🤓 نوع الدقيق مهم لو هنستخدم دقيق كحك وبسكويت هنشيل ربع كوباية منة ونحط مكانها نشا لو حبينة هش اكتر وناعم اكتر 😉 👈 ممكن نستبدل النشا ببودرة الكاستر هيدي طعم ولون وقرمشة بردو.. 👈لما يخرج الصاج من الفرن منحركش البسكويت غير لما يهدي خالص او عالاقل يبقي دافي عشان ميتكسرش 👈 السكر البودرة لازم ننخلة وتستخدم الجاهز بانة بيدوب اسرع ويمتزج اسرع مع خليط السمنة والذبدة
  8. أخيرا اللهم أغفر لجدتي وارحمها واسكنها فسيح جناتك يارب العالمين 🤲 وثقل ميزان حسناتي وحسناتكم يارب 🌹
عجبتك الوصفة؟
شوف كل وصفاتنا في مكان واحد
كل الوصفات →